ការព្រមព្រៀងឈប់បាញ់គ្នាកាលពីថ្ងៃទី ២៧ ខែធ្នូ ឆ្នាំ២០២៥ រវាងកម្ពុជា និងថៃ អាច ជាដំណឹងល្អមួយសម្រាប់ កម្ពុជា។ ប្រជាពលរដ្ឋជាពិសេសអ្នករស់តាមបណ្ដោយព្រំដែន អាចដកដង្ហើមស្រួលឡើងវិញ។ ទាហានជួរមុខអាចនឹងមិនបន្តលះបង់ជីវិត ក្នុងភ្លើងសង្គ្រាម។ សំឡេងកាំភ្លើងក៏ស្ងប់ស្ងាត់។
ភាគីកម្ពុជានិយាយថាខ្លួនបានសម្រេចគោលដៅរបស់ខ្លួន រួមទាំងអាចនឹង បាន ស្វាគមន៍ទាហានដែលត្រូវបានឃុំខ្លួនត្រឡប់មកវិញ និងការបញ្ចប់ សម្ពាធយោធាពីភាគីថៃ។ ក៏ប៉ុន្តែភាគីថៃវិញ ថៃក៏បានការពារស្ថិរភាពមុនការបោះឆ្នោត ជៀសវាង ការបង្កើនភាពតានតឹង និងជាពិសេសថៃបានរក្សាទីតាំងឈរជើង របស់ខ្លួនដែលថៃ វាយលុកយកបានក្នុងរយៈពេលសង្គ្រាមជាង ២០ថ្ងៃមកនេះ។
តើនរណាជាអ្នកទទួលបានផល ចំណេញពីកិច្ចព្រមព្រៀងនេះ?
សម្របសម្រួលវេទិកាអ្នកស្ដាប់ដោយ៖ លោក ជុន ច័ន្ទបុត្រ
វាគ្មិនកិត្តិយស៖ ១. ព្រះតេជព្រះគុណ ប៊ុត ប៊ុនតិញ ស្ថាបនិកវត្តភ្នំសេរី ២. លោក អាឡិច ប្រធានអង្គការមាតាធម្មជាតិ
