ជម្លោះព្រំដែនកម្ពុជា-ថៃ
ទំព័រនេះផ្ដល់ព័ត៌មានចុងក្រោយ ការវិភាគ និងសេចក្ដីរាយការណ៍ស៊ីជម្រៅ ទាក់ទងនឹងជម្លោះរវាងកម្ពុជា-ថៃ។
សង្ខេបព្រឹត្តិការណ៍ថ្មីៗចុងក្រោយ
ស្ថានភាពពលរដ្ឋភៀសសឹក
៣២
ជនស៊ីវិលស្លាប់
៩៣
ពលរដ្ឋរងបួស
ប្រមាណ ៨ម៉ឺននាក
ពលរដ្ឋនៅរងផលប៉ះពាល់
ប្រភពរដ្ឋមន្ត្រីការបរទេសលោក ប្រាក់ សុខុន ថ្លៃងនៅអង្គការសហប្រជាជាតិ
អត្ថបទថ្មីៗ
យោធាថៃកំពុងកែប្រែទីតាំងខ្សែបន្ទាត់ព្រំដែនជាឯកតោភាគីនៅជាប់ខេត្តបាត់ដំបង
យោធាថៃ អះអាងថា មូលហេតុដែលភាគីថៃកែប្រែអូរធម្មជាតិនេះ គឺដោយសារពលរដ្ឋខ្មែរបានចូលមករុករករ៉ែនៅតំបន់នេះ បណ្ដាលឱ្យផ្លូវទឹកផ្លាស់ប្ដូរទីតាំង។ អ្នកឃ្លាំមើលយល់ថា សកម្មភាពរបស់យោធាថៃ គឺជាការពង្រីកការឈ្លានពានក្រោយសង្គ្រាម ខណៈខេត្តបាត់ដំបងគ្មានតំបន់ដែលថៃទាមទារនោះឡើយ។
យោធាថៃចាប់ផ្ដើមដកទូកុងតឺន័រកែសម្រួលទីតាំងមួយចំនួននៅតំបន់ព្រំដែនអូរស្មាច់ក្នុងដីខ្មែរ
យោធាថៃបានប្រកាសថា ការកែសម្រួលទីតាំងយោធានេះ គឺដើម្បីពង្រឹងកម្លាំងទ័ព និងយុទ្ធសាស្រ្តប្រយុទ្ធនៅក្នុងករណីមានសង្គ្រាមផ្ទុះឡើងសាជាថ្មី។
ថៃបន្តរាយបន្លាលួស និងសង់សំណង់នៅតំបន់ព្រំដែនក្នុងខេត្តឧត្តរមានជ័យ និងព្រះវិហារ
អ្នកឃ្លាំមើលជំរុញឱ្យភាគីកម្ពុជារកវិធីទប់ស្កាត់សកម្មភាពឈ្លានពានរបស់ថៃនៅលើទីតាំងជាក់ស្ដែង ជាជាងការចរចាដែលមានភាពមិនច្បាស់លាស់ និងគ្មានទម្ងន់ផ្នែកច្បាប់ដើម្បីដាក់សម្ពាធឱ្យភាគីថៃគោរពតាម។
លោក ហ៊ុន ម៉ាណែត ប្រាប់ពលរដ្ឋឱ្យទៅទារសំណងពីយោធាថៃដែលធ្វើឱ្យខូចខាតផ្ទះសម្បែង ព្រោះរដ្ឋាភិបាលគ្មានសំណងនោះទេ
អ្នកឃ្លាំមើលយល់ថា ការថ្លែងរបស់លោក ហ៊ុន ម៉ាណែត គឺគ្រាន់តែជាវោហារសាស្ត្រនយោបាយ ដើម្បីគេចវេះពីការទទួលខុសត្រូវ រឿងការពារទឹកដី និងជីវភាពពលរដ្ឋ។
អតីតអ្នករស់នៅជុំរុំចាស់ និងទាហានស្នើឲ្យរដ្ឋាភិបាលប្ដឹងថៃ ករណីចោទពលរដ្ឋខ្មែររស់នៅក្នុងទឹកដីថៃ តាំងពីសម័យសង្គ្រាមស៊ីវិល
ពលរដ្ឋខ្មែរថា ការលើកឡើងរបស់តំណាងភាគីថៃនេះ គឺជាការកុហកទាំងស្រុង ព្រោះទីតាំងដែលថៃកំពុងឈ្លានពាន ដែលស្ថិតនៅឃុំអូរបីជាន់ ខេត្តបន្ទាយមានជ័យ គឺជាអតីតជុំរុំចាស់ ដែលពលរដ្ឋខ្មែរបន្តរស់នៅក្រោយរដ្ឋាភិបាលកម្ពុជាប្រកាសឱ្យពលរដ្ឋធ្វើមាតុភូមិនិវត្ត។
កម្ពុជាស្នើថៃបង្ហាញទិន្នន័យការបាញ់ប្រហារជុំវិញប្រាសាទព្រះវិហារដើម្បីជាមូលដ្ឋានបោសសំអាតជាតិផ្ទុះនិងស្តារសុវត្ថិភាព
ចំណែក បក្សប្រឆាំងជំរុញឲ្យរដ្ឋាភិបាលកម្ពុជាប្តឹងថៃទៅកាន់តុលាការព្រហ្មទណ្ឌអន្តរជាតិ ICC ដើម្បីដាក់សម្ពាធ ឱ្យថៃផ្ដល់ព័ត៌មានអំពីការបាញ់ប្រហារ ឬទិន្នន័យផ្សេងៗ។
កងទ័ពខ្មែរបារម្ភពីការបាត់បង់ទឹកដីមួយផ្នែកនៅតំបន់ព្រំដែនស្រុកអន្លង់វែង ក្រោយកម្ពុជាឯកភាពជាមួយថៃមិនពង្រីកទីតាំង
ទាហានខ្មែរថា ការឯកភាពនេះបានអនុវត្តឡើងតែចំពោះភាគីកម្ពុជាតែម្ខាងប៉ុណ្ណោះ ខណៈភាគីយោធាថៃនៅតែធ្វើសកម្មភាពឈូសឆាយ និងពង្រីកទីតាំងតាមអំពើចិត្តនៅក្នុងតំបន់ច្រកជាំនេះ។
ថៃបន្តឈ្លានពានតាមព្រំដែនកម្ពុជា ក្រោយមេដឹកនាំថៃអះអាងពីការចរចាសន្តិភាពជាមួយកម្ពុជានៅ UN
អ្នកឃ្លាំមើលថា ការអះអាងរបស់មេដឹកនាំថៃនៅលើវេទិកាអន្តរជាតិ គឺមិនអាចយកជាការបាននោះឡើយ ខណៈការថ្លែងរបស់ភាគីកម្ពុជាវិញ ក៏មិនអាចដាក់សម្ពាធភាគីថៃឱ្យគោរពតាមច្បាប់នោះដែរ។
រដ្ឋាភិបាលក្រៅប្រទេសជំរុញឱ្យលោក ហ៊ុន ម៉ាណែត ជម្រះឈ្មោះទ័ពខ្មោច មុនអនុវត្តគម្រោងកាតព្វកិច្ចយោធា
ការជំរុញបែបនេះ ធ្វើឡើងស្របពេលរដ្ឋមន្ត្រីក្រសួងការពារ ជាតិ លោក ទៀ សីហា អំពាវនាវឱ្យយុវជនចូលបំពេញកាតព្វកិច្ចយោធា ចាប់ពី ថ្ងៃទី០១ ខែតុលា ដើម្បីកសាងកម្លាំងការពារជាតិ។
មេដឹកនាំថៃនិយាយពីការចរចាសន្តិភាពជាមួយកម្ពុជាក្នុងវេទិកា UN តែយោធាបន្តឈ្លានពាន
អ្នកឃ្លាំមើលថា កាលើកឡើងរបស់មេដឹកនាំថៃ មានភាពផ្ទុយស្រឡះពីទង្វើ ព្រោះភាគីថៃបានរំលោភលើកិច្ចព្រមព្រៀងបទឈប់បាញ់ចំនួន ២លើក និងកំពុងបន្តធ្វើសកម្មភាពកែប្រែភូមិសាស្ត្រក្នុងទឹកដីកម្ពុជានៅតាមព្រំដែនយ៉ាងសកម្ម។
យោធាថៃបន្តឈូសឆាយតំបន់ព្រំដែនខេត្តព្រះវិហារ និងឧត្តរមានជ័យ ដោយរំលោភចូលដីកម្ពុជាមួយផ្នែក
សកម្មភាពសាងសង់របស់ភាគីថៃទាំងនេះរួមមានផ្លូវយុទ្ធសាស្ត្រ រូបសំណាក លេណដ្ឋានយោធា និងសំណង់អាគារជាដើម។
ថៃបន្តសាងសង់របងព្រំដែននៅស្រុកកំរៀង ខេត្តបាត់ដំបង និងត្រៀមកៀរគរពលរដ្ឋមករស់នៅតាមខ្សែបន្ទាត់ព្រំដែន
ទន្ទឹមគ្នានេះ យោធាថៃបានប្រកាសពីគម្រោងចែកដីឱ្យប្រជាពលរដ្ឋរបស់ខ្លួន មករស់នៅតំបន់ព្រំដែនក្នុងខេត្តចំនួន៥ ដែលស្ថិតនៅជាប់ព្រំដែនកម្ពុជា ដើម្បីកាន់កាប់ជាអចិន្ត្រៃយ៍ ក្នុងទីតាំងមួយចំនួនដែលយោធាថៃបានឈ្លានពានពីកម្ពុជា និងទីតាំងដែលកំពុងមានជម្លោះ។
