ក្រសួងការពារជាតិកម្ពុជាឱ្យដឹងថា យោធាថៃបន្តធ្វើសកម្មភាពវាយប្រហារមកលើកម្ពុជា នៅយោធភូមិភាគទី៥ ក្នុងភូមិសាស្រ្ត ភូមិជោគជ័យ ខេត្តបន្ទាយមានជ័យ នាថ្ងៃទី១៧ ខែធ្នូ ឆ្នាំ២០២៥។
ក្រសួងការពារជាតិអះអាងថា នៅម៉ោង ៦:២៥នាទីព្រឹក យោធាថៃបានប្រើប្រាស់យន្តហោះចម្បាំង F-16 ទម្លាក់គ្រាប់បែកចូលក្នុងភូមិសាស្ត្រ ភូមិព្រៃចាន់។
នេះជាថ្ងៃទី១១ហើយ ដែលយោធាថៃបន្តវាយប្រហារឈ្លានពានកម្ពុជា និងសម្លាប់ពលរដ្ឋស៊ីវិលខ្មែរ ១៧ នាក់ និងរបួសជិត១០០នាក់ ព្រមទាំងបាញ់ផ្លោង ទម្លាក់គ្រាប់បែកកម្ទេចផ្ទះពលរដ្ឋស៊ីវិល ប្រាសាទបុរាណ សាលារៀន វត្តអារាម មន្ទីរពេទ្យជាច្រើនកន្លែង។ លើសពីនេះបានធ្វើពលរដ្ឋរត់គេចខ្លួនភៀសសឹកជាង៤២ម៉ឺននាក់ គិតត្រឹមល្ងាចថ្ងៃទី១៦ ធ្នូ។
ចំនួនជនភៀសសឹកកម្ពុជាកើនជិត ៤៣ម៉ឺននាក់ គិតត្រឹមថ្ងៃទី១៦ ធ្នូ ២០២៥។ នេះបើយោងតាមរបាយការណ៍របស់ក្រសួងមហាផ្ទៃកម្ពុជា៕
