មេបញ្ជាការកងទ័ពភូមិភាគទី២ថៃ បានចេញបញ្ជាឱ្យគ្រប់គ្រងការនាំចេញប្រេងឥន្ធនៈ ឧបករណ៍ដែលអាចប្រើប្រាស់នៅក្នុងសង្គ្រាម និងគ្រាប់រំសេវ តាមរយៈច្រកព្រំដែន ថៃ-ឡាវ នៅច្រក ឆងមិក ចាប់ពីម៉ោង១២រំលងអធ្រាត្រ ថ្ងៃទី១៤ ខែធ្នូ។ យោធាថៃអះអាងថា ការរឹតបន្តឹងការនាំចេញឥន្ធនៈតាមផ្លូវគោកនេះ គឺដើម្បីទប់ស្កាត់ការលួចរត់ពន្ធបន្តចូលទៅកម្ពុជា ដោយប្រើប្រាស់មធ្យោបាយដឹកជញ្ជូនក្នុងប្រទេសឡាវ។
ទោះជាយ៉ាងណា នៅព្រឹកថ្ងៃទី១៥ ខែធ្នូ នៅច្រកព្រំដែន ឆងមិក មានរថយន្តដឹកប្រេងឥន្ធនៈជិត ១០០គ្រឿង ដែលដឹកប្រេងប្រហែលជិត ៤០០លីត្រ បានឈប់នៅពីមុខច្រកទ្វារ បន្តកន្ទុយគ្នា ដើម្បីស្នើសុំការនាំចេញ។
កាលពីថ្ងៃទី១៤ ធ្នូ យោធាថៃបានចេញបញ្ជាបន្ទាន់មួយ ឱ្យបិទឈូងសមុទ្រថៃ ដើម្បីស្ទាក់ចាប់ការដឹកជញ្ជូនប្រេង និងសម្ភារៈយោធាចូលកម្ពុជា ហើយបានប្រកាសដាក់ដែនទឹកជុំវិញកំពង់ផែកម្ពុជា ថា ជាតំបន់មានហានិភ័យខ្ពស់។
ក្រៅពីរឹតបន្តឹងការនាំចេញឥន្ធនៈ យោធាថៃគ្រោងនឹងបិទការនាំចេញថ្នាំពេទ្យ និងគ្រឿងបរិភោគមួយចំនួនទៀត ដែលពួកគេសង្ស័យថា របស់ទាំងនេះ អាចនឹងត្រូវក្រុមឈ្មួញនាំចេញបន្តទៅកាន់កម្ពុជា ហើយរបស់ទាំងនេះ នឹងត្រូវបានផ្ដល់ឱ្យក្រុមទាហានខ្មែរ៕
