ថៃកំពុងពន្លឿនការកសាងសំណង់រឹងនៅលើទឹកដីខ្មែរតាមបណ្ដោយព្រំដែនជាច្រើនទីតាំង ដោយប្រជាពលរដ្ឋ និងព្រះសង្ឃថៃ បានប្រមូលកម្លាំងគ្នា បង្កើតការដ្ឋានសាងសង់នៅនឹងកន្លែង។ ស្របពេលជាមួយគ្នានេះដែរ នៅខាងកម្ពុជា ចំកណ្ដាលរាជធានីភ្នំពេញវិញ កូនប្រុសពៅរបស់លោក ហ៊ុន សែន គឺលោក ហ៊ុន ម៉ានី បានប្រមូលព្រះសង្ឃ និងប្រជាពលរដ្ឋ មកសម្ពោធរូបគំនូរដែលបង្ហាញពីសោកនាដកម្មដោយសារសង្គ្រាមថៃឈ្លានពានអមដោយស្នូរទះដៃ។ មន្ត្រីបក្សប្រឆាំងថា សកម្មភាពនេះ គ្មានប្រយោជន៍ផ្នែកយុទ្ធសាស្ត្រសម្រាប់ប្រឆាំងនឹងការឈ្លានពានរបស់ថៃនោះឡើយ ក្រៅតែពីធ្វើឱ្យពលរដ្ឋខ្មែរ មានអារម្មណ៍កម្សត់។
