អង្គការសិទ្ធិមនុស្សលីកាដូថា មនុស្សជិត ១០០នាក់ត្រូវបានចាប់ដាក់ពន្ធនាគារក្រោយប្រើប្រាស់សិទ្ធិបញ្ចេញមតិ
អង្គការការពារសិទ្ធិមនុស្សលីកាដូអះអាងថា មានមនុស្សជិត១០០នាក់ត្រូវបានអាជ្ញាធរចាប់ឃុំក្នុងពន្ធនាគារ ក្រោយពួកគាត់បានប្រើប្រាស់សិទ្ធិបញ្ចេញមតិ និងរិះគន់ទៅលើរដ្ឋាភិបាល។ ប៉ុន្តែអ្នកនាំពាក្យគណបក្សកាន់អំណាចថា ការប្រើប្រាស់សិទ្ធិបញ្ចេញមតិ ធ្វើយ៉ាងណាកុំឲ្យប៉ះពាល់ដល់សិទ្ធិរបស់អ្នកដ៏ទៃ។
អ្នកឃ្លាំមើលថា រដ្ឋាភិបាលគ្មានជំហរយករឿងទាហានថៃបាញ់សម្លាប់ពលរដ្ឋខ្មែរប្ដឹងតុលាការអន្តរជាតិ
ការលើកឡើងនេះ ក្រោយពីក្រសួងការបរទេសបានធ្វើបទបង្ហាញប្រាប់អង្គទូតអន្តរជាតិ ជុំវិញទាហានថៃ បាញ់សម្លាប់ពលរដ្ឋខ្មែរនៅភូមិព្រៃចាន់ និងបញ្ហាភាគីថៃចោទកម្ពុជារឿងដាក់មីនថ្មី ហើយ ជាមួយគ្នានោះ ក្រសួងពុំបានបង្ហាញថា នឹងប្ដឹងថៃទៅកាន់ស្ថាប័នអន្តរជាតិឡើយ។
គ្រួសារសកម្មជនមាតាធម្មជាតិស្នើតុលាការឱ្យដោះលែងសកម្មជនទាំង ៥នាក់
គ្រួសារសកម្មជនមាតាធម្មជាតិ ស្នើឱ្យរដ្ឋាភិបាល និងតុលាការសាលាឧទ្ធរណ៍ផ្ដល់យុត្តិធម៌ និងដោះលែងសកម្មជនទាំង ៥នាក់ ។ ទន្ទឹមគ្នានេះ អង្គការចលនាមាតាធម្មជាតិអំពាវនាវឱ្យបងប្អូនខ្មែរ នៅក្រៅប្រទេស នាំគ្នាបញ្ចេញសំឡេង ដើម្បីបញ្ឈប់ភាពអយុត្តិធម៌លើសកម្មជនមាតាធម្មជាតិនិង លើប្រជាពលរដ្ឋខ្មែរទូទៅនៅប្រទេសកម្ពុជា។
អ្នករាយការណ៍សិទ្ធិមនុស្សអ.ស.បរងការរិះគន់ថា ចេញសេចក្ដីថ្លែងការណ៍រឿងព្រំដែនកម្ពុជា-ថៃ គ្មានទម្ងន់ និងគ្មានភាពជាក់ស្ដែង
ប្រតិកម្មនេះ ធ្វើឡើងបន្ទាប់ពី អ្នករាយការណ៍ពិសេសរបស់អង្គការសហប្រជាជាតិស្ដីពីស្ថានភាពសិទ្ធិមនុស្សនៅកម្ពុជាដែលជាជនជាតិថៃ លោក វីទីត មុនតាប៊ន (Vitit Muntarbhorn) បានចេញសេចក្ដីថ្លែងការណ៍មួយ ដោយបង្ហាញការគាំទ្រចំពោះការផ្សះផ្សាជម្លោះរវាងកម្ពុជា និងថៃ ក្នុងវិវាទរឿងព្រំដែន។
ជនរងគ្រោះ និងសង្គមស៊ីវិលទទូចឱ្យអាជ្ញាធរខ្មែរពន្លឿនការប្ដឹងទាហានថៃករណីរំលោភផ្លូវភេទលើនារីខ្មែរ
ជនរងគ្រោះ និងសង្គមស៊ីវិលទទូចឱ្យអាជ្ញាធរខ្មែរ ពន្លឿនការប្ដឹងទាហានថៃករណីដែល ចាប់ពលករខ្មែរចំនួន ១២នាក់ យកមកធ្វើទារុណកម្ម និង រំលោភបំពានផ្លូវភេទលើនារីខ្មែរម្នាក់ អាយុ១៨ឆ្នាំ អំឡុងពេល ដែលពលករខ្មែរទាំងនោះ កំពុងតែធ្វើដំណើរលើឡានចេញពីប្រទេសថៃ ត្រឡប់មកស្រុកកំណើតវិញ កាលពីយប់ថ្ងៃទី១៥ ខែវិច្ឆិកា។
សង្គមស៊ីវិលទាមទារឱ្យភាគីថៃទទួលខុសត្រូវចំពោះទង្វើដែលទាហានថៃរំលោភបូកពលករខ្មែរ
ក្រុមអង្គការសង្គមស៊ីវិលទាមទារឱ្យភាគីថៃទទួលខុសត្រូវចំពោះទង្វើ ដែលក្រុមទាហានឈុតខ្មៅថៃ បានធ្វើទារុណកម្មមកលើពលករខ្មែរ និងប្រព្រឹត្តអំពើរំលោភបំពានផ្លូវភេទចំពោះនារីខ្មែរម្នាក់អាយុ ១៨ឆ្នាំ ដើម្បីនាំជនល្មើសទាំងនោះ មកផ្ដន្ទាទោសចំពោះមុខច្បាប់។ រីឯភាគីថៃ បានបដិសេធថា មិនមានករណីនេះកើតឡើយ។
លោក មូន ពេជ្រ ដាក់ពាក្យប្ដឹងពួកមេដឹកនាំយោធាថៃទៅកាន់តុលាការព្រហ្មទណ្ឌអន្តរជាតិ
យុវជនកម្ពុជាមួយរូបគឺលោក មូន ពេជ្រ បានប្រើប្រាស់បណ្ដាញសង្គមរបស់លោក ផ្ដួចផ្ដើមកៀរគរមតិគាំទ្រពីប្រជាពលរដ្ឋខ្មែរ ដើម្បីដាក់ពាក្យប្ដឹង ប្រឆាំងនឹងពួកមេដឹកនាំយោធា និងអ្នកដឹកនាំនយោបាយថៃ ទៅកាន់តុលាការព្រហ្មទណ្ឌអន្តរជាតិ (ICC) ជាស្ថាពរ។
តុលាការវៀតណាមបន្តកាត់ទោសព្រះសង្ឃ និងសកម្មជនខ្មែរក្រោមដែលឈឺឆ្អាលរឿងសិទ្ធិមនុស្ស
ក្នុងថ្ងៃជាមួយគ្នា អាជ្ញាធរវៀតណាមនៅខេត្តលង់ហោរដដែលក៏បានចាប់ខ្លួនសកម្មជនស្ត្រីខ្មែរក្រោមមួយរូបក្រោយពីសកម្មជនរូបនោះបានផ្សាយផ្ទាល់នៅលើបណ្តាញសង្គមបង្ហាញពីសកម្មភាពរបស់អាជ្ញាធរវៀតណាមដែលកំពុងចុះឃ្លាំមើល និងតាមដានរំខានការរស់នៅរបស់អ្នកស្រី។
កងទ័ពខ្លះដាក់លក់ផ្ទះដើម្បីព្យាបាលជំងឺក្រោយពីរងផលប៉ះពាល់ផ្សែងពុលអំឡុងពេលសង្គ្រាមជាមួយថៃ
ពួកគាត់ថា ការលក់ផ្ទះ ព្រោះតែ ជីវភាពខ្វះខាតខ្លាំង គ្មានថវិកាចំណាយថ្លៃព្យាបាល ជំងឺការធ្វើដំណើរ និងការហូបចុកជាដើម ខណៈជំនួយពីរដ្ឋាភិបាល លោក ហ៊ុន ម៉ាណែត ក៏គ្មាន។
