អ្នកឃ្លាំមើលសង្គមកម្ពុជា អះអាងថា ច្បាប់ស្ដីពី «កាតព្វកិច្ចយោធា» ថ្មីដែលធ្វើឡើងក្នុងស្ថានភាពប្រញាប់ប្រញាល់ អាចនឹងបង្កភាពស្មុគស្មាញនៅពេលអនុវត្តទៅលើយុវជន ដោយបារម្ភពីការអនុវត្តគ្មានតម្លាភាព មិនស្មើភាព និងបង្កប់ដោយអំពើពុករលួយ។ ការអះអាងនេះ គឺបន្ទាប់ពីសមាជិករដ្ឋសភាកម្ពុជា នៅព្រឹកថ្ងៃទី១២ ខែឧសភា ឆ្នាំ២០២៦នេះ បានបោះឆ្នោតអនុម័តសេចក្តីព្រាងច្បាប់ស្តីពី «កាតព្វកិច្ចយោធា» ថ្មីជាឯកច្ឆន្ទ ដោយសំឡេងគាំទ្រ១១៤ លើ១១៤សំឡេង។
