មន្ត្រីយោធាផ្កាយ១ លោក អូន សុខសិលា រត់គេចខ្លួនក្រោយរងការចោទពាក់ព័ន្ធជាមួយក្រុមឆបោកតាមអនឡាញ

មន្ត្រីយោធាពាក់ផ្កាយ១ លោក អូន សុខសិលា និងត្រូវជាកូនប្រុសមេយោធាផ្កាយ៣ គឺមេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៥ លោក ឯក សំអូន ដែលគេមិនសូវស្គាល់នោះ ពេលនេះចាប់ផ្ដើមល្បីឈ្មោះក្រោយមានរឿងរ៉ាវអាស្រូវពាក់ព័ន្ធជួលផ្ទះវីឡារបស់ខ្លួនឱ្យក្រុមឧក្រិដ្ឋជនប្រតិបត្តិការឆបោកតាមអនឡាញ។ កូនប្រុសរបស់មេយោធាដ៏មានឥទ្ធិពលរូបនេះ ក៏កំពុងរត់គេចខ្លួន បន្ទាប់ពីទទួលស្គាល់ថា ផ្ទះវីឡាដែលសមត្ថកិច្ចចូលបង្ក្រាបនៅកណ្ដាលក្រុងបាត់ដំបងគឺជាកម្មសិទ្ធិរបស់ខ្លួន។