លោក ហ៊ុន ម៉ាណែត ប្រាប់ពលរដ្ឋទារសំណងពីយោធាថៃដែលបំផ្លាញផ្ទះសម្បែង ព្រោះរដ្ឋាភិបាលគ្មានសំណងនោះទេ

លោកនាយករដ្ឋមន្ត្រី ហ៊ុន ម៉ាណែត ប្រាប់ពលរដ្ឋដែលរងផលប៉ះពាល់ដោយសារតែសង្គ្រាមឈ្លានពានឱ្យទៅទាមទាសំណង ពីយោធាថៃដោយខ្លួនឯង ទៅតាមទំហំនៃការខូចខាត ដោយអះអាងថា រដ្ឋាភិបាល របស់លោក គ្មានសំណងនោះទេ។ ជាមួយគ្នានោះ លោក ហ៊ុនម៉ាណែត ក៏បានឌឺដងមកលើគណបក្សប្រឆាំង ដែលរិះគន់កងទ័ព និងបក្សកាន់អំណាចរឿងធ្វើឱ្យបាត់បង់ទឹកដី ។ អ្នកឃ្លាំមើលយល់ថា ការថ្លែងរបស់លោក ហ៊ុន ម៉ាណែត គឺគ្រាន់តែជាវោហារសាស្ត្រនយោបាយ ដើម្បីគេចវេះពីការទទួលខុសត្រូវ រឿងការពារទឹកដី និងជីវភាពពលរដ្ឋ។