លោក នី ណាក់ មានសេរីភាពក្រោយអនុវត្តទោសគ្រប់កាលកំណត់
អ្នកជំនាញកសិកម្មលោក នី ណាក់ ដែលតែងរិះគន់បញ្ហាសង្គម មានសេរីភាពវិញហើយនៅថ្ងៃទី៥ មករា ក្រោយអនុវត្តទោសជាប់ពន្ធនាគាររយៈពេលពីរឆ្នាំ។
រដ្ឋាភិបាលក្រៅប្រទេសគ្រោងដាក់ពាក្យប្ដឹងមេដឹកនាំថៃ ទៅកាន់តុលាការICCពីបទឧក្រិដ្ឋកម្មសង្គ្រាម
រដ្ឋាភិបាលកម្ពុជាឯករាជ្យ ២៣តុលា ដឹកនាំដោយ លោក សម រង្សី បានពឹងពាក់មេធាវីអន្តរជាតិ ដាក់ពាក្យបណ្ដឹងទៅកាន់តុលាការព្រហ្មទណ្ឌអន្តរជាតិ (ICC) ពីបទឧក្រិដ្ឋកម្មសង្គ្រាម ដែលប្រព្រឹត្តដោយមេដឹកនាំនិងយោធាថៃ
សាលាឧទ្ធរណ៍បដិសេធជាថ្មី សំណើសុំនៅក្រៅឃុំរបស់សកម្មជនកិច្ចព្រមព្រៀងសន្តិភាពទីក្រុងប៉ារីស
សកម្មជនកិច្ចព្រមព្រៀងសន្តិភាពទីក្រុងប៉ារីស រួមមាន លោក ស្រ៊ុន ស្រ៊ន កញ្ញា ភឹង សោភា និងលោក សាន សិទ្ធិ ត្រូវបានតុលាការចោទប្រកាន់ពាក់ព័ន្ធនឹង ការបញ្ចេញមតិ អំពីបញ្ហាព្រំដែនកម្ពុជា-វៀតណាម។
តុលាការលើកពេលសវនាការលោក កឹម សុខា ខណៈអ្នកវិភាគថា គួរតែដោះលែងគាត់ដើម្បីរួបរួមជាតិ
មេធាវីការពារក្ដីឱ្យប្រធានគណបក្សសង្គ្រោះជាតិដែលកំពុងជាប់ឃុំនៅក្នុងផ្ទះគឺ លោក កឹម សុខា នៅថ្ងៃទី១៧ ខែធ្នូ បានឱ្យដឹងថា សាលាឧទ្ធរណ៍ភ្នំពេញ បានជូនដំណឹងថា សវនាការលើសំណុំរឿងរបស់ លោក កឹម សុខា ដែលនឹងគ្រោងធ្វើនៅថ្ងៃទី១៨ ខែធ្នូ នេះ ត្រូវបានពន្យារពេលដោយគ្មានហេតុផល និងគ្មានកាលកំណត់ច្បាស់លាស់។
សាលាឧទ្ធរណ៍ភ្នំពេញបដិសេធដោះលែងសកម្មជនមាតាធម្មជាតិ ៥នាក់ឱ្យមានសេរីភាព
សាលាឧទ្ធរណ៍ភ្នំពេញ នៅថ្ងៃទី១ ធ្នូ នេះ សម្រេចមិនដោះលែង សកម្មជនមាតាធម្មជាតិទាំង ៥ នាក់ឱ្យមានសេរីភាពនោះឡើយ។ គ្រួសារជនរងគ្រោះ និងសង្គមស៊ីវិលសម្ដែងការខកចិត្តចំពោះការសម្រេចរបស់សាលាឧទ្ធរណ៍បែបនេះ។
សាលាឧទ្ធរណ៍គ្រោងជម្រះក្ដីលោក កឹម សុខា នៅថ្ងៃទី ១៨ ធ្នូ ខាងមុខ
សាលាឧទ្ធរណ៍ភ្នំពេញគ្រោងនឹងបន្តសវនាការជំនុំជម្រះក្តី លោក កឹម សុខា ប្រធានគណបក្សសង្គ្រោះជាតិ នៅថ្ងៃទី១៨ ខែធ្នូ ឆ្នាំ២០២៥ ខាងមុខនេះ បន្ទាប់ពីសារសាលាឧទ្ធរណ៍ភ្នំពេញបានផ្អឹបទុកសំណុំរឿងនេះ មិនដំណើរការ ដោយបានពន្យារពេលម្តងហើយម្តងទៀត។
អតិថិជនខ្ចីលុយពីធនាគារព្រីនស៍រងការគំរាមកំហែងបង្ខំឱ្យលក់ទ្រព្យសម្បត្តិដើម្បីសងបំណុល
អតិថិជនខ្ចីលុយពីធនាគារព្រីនស៍ (Prince Bank) រងការគំរាមកំហែង បង្ខំឱ្យលក់ទ្រព្យសម្បត្តិ ដើម្បីសងបំណុល បើទោះជាពួកគាត់បានសុំអង្វរសងតាមលទ្ធភាពក្ដី ក៏ខាងភាគីធនាគារ ពុំព្រមនោះឡើយ ហើយថែមទាំងគំរាមប្ដឹងទៅតុលាការ ប្រសិនបើពួកគាត់ពុំអាចសងបំណុល តាមចំនួនកំណត់។
សាលាឧទ្ធរណ៍លើកពេលសវនាការលោក សុខ ស៊ុនណារ៉េត គ្មានពេលកំណត់ ដោយសារអវត្តមានលោក
សាលាឧទ្ធរណ៍ភ្នំពេញសម្រេចលើកពេលសវនាការបណ្ដឹងឧទ្ធរណ៍របស់ឪពុកលោក ស៊ន តារា គឺលោក សុខ ស៊ុនណារ៉េត ដែលប្ដឹងជំទាស់នឹងសេចក្ដីសម្រេចរបស់សាលាដំបូង ដោយមូលហេតុមន្ត្រីពន្ធនាគារខេត្តកំពង់ស្ពឺ មិនបានបញ្ជូនគាត់ឱ្យទៅចូលរួមក្នុងសវនាការ។ សង្គមស៊ីវិលថា កាលណាខកខានបញ្ជូនជនជាប់ចោទទៅសវនាការ គួរតែមានរបាយការណ៍បង្ហាញពីមូលហេតុពីពន្ធនាគារខេត្តកំពង់ស្ពឺ ទៅសាលាឧទ្ធរណ៍។កូនប្រុសលោក សុខ ស៊ុនណារ៉េត គឺលោក ស៊ន សារ៉ាត់ ប្រាប់ទូរទស្សន៍អាស៊ីសេរី នៅថ្ងៃនេះថា នៅមុនសវនាការ លោកបានទៅជួបឪពុកនៅពន្ធនាគារ និងបានប្រាប់គាត់អំពីរឿងសវនាការនៅថ្ងៃទី២៦ ខែវិច្ឆិកា...
តុលាការបើកសវនាការសំណុំរឿងអ្នកបញ្ចេញមតិអំពីបញ្ហាជម្លោះព្រំដែន
តុលាការក្រុងភ្នំពេញ នៅថ្ងៃទី២១ វិច្ឆិកា បានបើកសវនាការលើសំណុំរឿងរបស់សកម្មជនកិច្ចព្រមព្រៀងសន្តិភាពទីក្រុងប៉ារីស និងសំណុំរឿងរបស់មេដឹកនាំគណបក្សដំណើរឆ្ពោះទៅមុខ លោក ឃុន ថងឌី ដែលបានបញ្ចេញមតិអំពីរឿងជម្លោះខ្មែរ-ថៃ។ សកម្មជនដែលកំពុងជាប់ឃុំទាំងនេះ ទាមទារឲ្យតុលាការដោះលែងពួកគាត់ឲ្យមានសេរីភាពវិញ។
ជនរងគ្រោះ និងសង្គមស៊ីវិលទទូចឱ្យអាជ្ញាធរខ្មែរពន្លឿនការប្ដឹងទាហានថៃករណីរំលោភផ្លូវភេទលើនារីខ្មែរ
ជនរងគ្រោះ និងសង្គមស៊ីវិលទទូចឱ្យអាជ្ញាធរខ្មែរ ពន្លឿនការប្ដឹងទាហានថៃករណីដែល ចាប់ពលករខ្មែរចំនួន ១២នាក់ យកមកធ្វើទារុណកម្ម និង រំលោភបំពានផ្លូវភេទលើនារីខ្មែរម្នាក់ អាយុ១៨ឆ្នាំ អំឡុងពេល ដែលពលករខ្មែរទាំងនោះ កំពុងតែធ្វើដំណើរលើឡានចេញពីប្រទេសថៃ ត្រឡប់មកស្រុកកំណើតវិញ កាលពីយប់ថ្ងៃទី១៥ ខែវិច្ឆិកា។
កងទ័ពខ្លះដាក់លក់ផ្ទះដើម្បីព្យាបាលជំងឺក្រោយពីរងផលប៉ះពាល់ផ្សែងពុលអំឡុងពេលសង្គ្រាមជាមួយថៃ
ពួកគាត់ថា ការលក់ផ្ទះ ព្រោះតែ ជីវភាពខ្វះខាតខ្លាំង គ្មានថវិកាចំណាយថ្លៃព្យាបាល ជំងឺការធ្វើដំណើរ និងការហូបចុកជាដើម ខណៈជំនួយពីរដ្ឋាភិបាល លោក ហ៊ុន ម៉ាណែត ក៏គ្មាន។
