យោធភូមិភាគ១ បានឆ្មក់ចូលចាប់ខ្លួនមនុស្សម្នាក់ ដែលគេអះអាងថា ជាអតីតភរិយារបស់មេភូមិខ្មែរ ឈ្មោះលី គឺលោកស្រី ថង ឡាត់ នៅឃុំគោកស៊ូង ខេត្តស្រះកែវ ដោយសង្ស័យថា ជាចារកម្មយោធារបស់កម្ពុជា។
អាជ្ញាធរខេត្តស្រះកែវ បានអះអាង នៅថ្ងៃទី១១ ខែធ្នូ ថា ជនសង្ស័យ គឺលោកស្រី ថង ឡាត់ ត្រូវបានឃុំខ្លួន និងសួរចម្លើយក្រោមច្បាប់អាជ្ញាសឹក បន្ទាប់ពីបានបង្ហាញនូវសកម្មភាពដែលគួរឱ្យសង្ស័យ និងក្រោយមានការឆែកឆេរក្នុងទូរស័ព្ទដៃរបស់លោកស្រី។
កន្លងទៅ លោកស្រី ថង ឡាត់ ដែលគេអះអាងថា ជាប្រពន្ធរបស់មេភូមិខ្មែរ ឈ្មោះលី នោះ ធ្លាប់បានលើកឡើងអំពីប្រវត្តិភូមិសាស្ត្រភូមិណងចាន់ ថា ជារបស់កម្ពុជា ដែលធ្វើឱ្យអ្នកជាតិនិយមថៃ ខឹងសម្បារ និងថ្កោលទោសលោកស្រី រហូតស្នើឱ្យប៉ូលិសចាប់ខ្លួន ដោយចោទថា ជាជនក្បត់ជាតិ៕
