ពលរដ្ឋមួយចំនួន ជំរុញឱ្យផ្អាកកម្មវិធីជួបជុំកម្សាន្ត និងពហិការទំនិញថៃ ក្នុងពេលប្រទេសមានជម្លោះព្រំដែន

ពលរដ្ឋមួយចំនួន លើកឡើងថា នៅក្នុងកាលៈទេសៈដែលប្រទេសជាតិ ត្រូវយោធាថៃចូលឈ្លានពានបែបនេះ ប្រជាពលរដ្ឋគួរតែផ្អាកការផឹកស៊ីច្រៀងលេងកម្សាន្ត និងកាត់បន្ថយកម្មវិធីជួបជុំ ដើម្បីយកពេលវេលា និងធនធានទុកសម្រាប់ជួយជនភៀសសឹក និងកងទ័ពនៅជួរមុខ។ ទន្ទឹមគ្នានេះ ពលរដ្ឋមួយចំនួន បានប្ដេជ្ញាធ្វើពហិការលើទំនិញថៃ ដើម្បីដាក់សម្ពាធសេដ្ឋកិច្ច និងបង្ហាញការមិនពេញចិត្ត ចំពោះទង្វើឈ្លានពានរបស់ថៃ មកលើកម្ពុជា។