ថៃដកកម្លាំងទ័ពទ្រង់ទ្រាយធំចេញពីតំបន់ព្រំដែន និងប្រកាសពីជ័យជម្នះ ខណៈគ្រួសារមេដឹកនាំកម្ពុជា នាំជនភៀសសឹករាំលេងកម្សាន្ត

យោធាថៃបានដកទាហានថ្មើរជើងជាលក្ខណៈទ្រង់ទ្រាយធំចេញពីតំបន់ព្រំដែនកម្ពុជា-ថៃ ដោយពួកគេបានអះអាងពីជ័យជម្នះមកលើកម្ពុជា និងដណ្ដើមបានទីតាំងជាច្រើននៅតាមព្រំដែន។ ក៏ប៉ុន្តែយោធាថៃ បានរក្សាទុកនូវកម្លាំងការពារនៅតាមតំបន់សំខាន់ៗ ដោយមានការឃ្លាំមើល និងគាំទ្រពីសំណាក់ទ័ពអាកាស។ ចំណែកនៅខាងកម្ពុជា កូនប្រុសពៅរបស់លោក ហ៊ុន សែន គឺលោក ហ៊ុន ម៉ានី បានដឹកនាំពលរដ្ឋភៀសសឹក មករាំលេងកម្សាន្ត នៅលើគំនរទុក្ខរបស់ពួកគាត់ ដែលត្រូវយោធាថៃព័ទ្ធយកដី និងឈូសបំផ្លាញផ្ទះសម្បែង។