ទាហានថៃបានកាត់ឆ្វៀលដីចំនួន ៤៥០ហិកតារ ដែលទន្ទ្រានយកពីពលរដ្ឋខ្មែរ នៅក្នុងតំបន់ភូមិជោគជ័យ ប្រគល់ទៅឱ្យប្រជាពលរដ្ឋថៃ ដើម្បីអាស្រ័យផល ដោយយោធាថៃបានអះអាង តំបន់នេះគឺជាទឹកដីរបស់ថៃ ដែលប្រជាពលរដ្ឋខ្មែរមករស់នៅកាលសម័យសង្គ្រាមស៊ីវិល។ ក៏ប៉ុន្តែ អតីតទាហានខ្មែរម្នាក់ បានអះអាងថា តំបន់ដែលយោធាថៃកាត់ឆ្វៀលឱ្យពលរដ្ឋថៃនោះ គឺជាទឹកដីកម្ពុជា ដែលអ្នកជំរំណងចាន់ចាស់ ហៅថាតំបន់អាងសិលា។
