សកម្មជនសិទ្ធិមនុស្ស និងបរិស្ថានលោក ម៉ា ចិត្រា រួមទាំងសមាជិកបណ្ដាញសហគមន៍ព្រៃឡង់ នៅរសៀលថ្ងៃទី ០៣ ខែសីហា បានចូលជួបមន្ត្រី និងមេធាវីក្រសួងបរិស្ថាន តាមការកោះហៅ។ ការជួបគ្នានេះធ្វើឡើង បន្ទាប់ពីក្រុមសកម្មជន ជំរុញឲ្យរដ្ឋមន្ត្រីក្រសួងបរិស្ថាន ចាត់វិធានការលើមន្ត្រី ដែលបើកដៃឲ្យមានការកាប់បំផ្លាញព្រៃឈើ ក្រោយពីពួកគេចុះល្បាតព្រៃឡង់ ហើយរកឃើញបទល្មើសព្រៃឈើកើតឡើងដោយគ្មានការបង្ក្រាប៕
