ពលរដ្ឋអះអាងថា ថៃបានរំកិលបង្គោលព្រំដែនលេខ៥៥ ចូលក្នុងទឹកដីកម្ពុជា នៅព្រំដែនខេត្តបាត់ដំបង

ពលរដ្ឋរស់នៅឃុំបឹងរាំង ស្រុកកំរៀង ខេត្តបាត់ដំបង បានអះអាងថា យោធាថៃបានលួចរំកិលបង្គោលព្រំដែនលេខ៥៥ ដែលនៅជាប់នឹងមាត់ស្ទឹង ចូលមកក្នុងដីខ្មែរប្រមាណជិត១គីឡូម៉ែត្រ។ ពួកគាត់ថា ការរំកិលបង្គោលព្រំដែនរបស់ភាគីថៃនេះ បានធ្វើឱ្យពួកគាត់ត្រូវបាត់បង់ដីលំនៅឋាន និងដីសម្រាប់បង្កបង្កើនផលមួយចំនួន ដោយសារភាគីថៃបានព័ទ្ធយកទៅ។