កងទ័ពខ្មែរបានយល់ព្រមដកថយចេញពីទីតាំងដែលថៃហាមពលរដ្ឋខ្មែរមិនឱ្យភ្ជួរដីអាស្រ័យផលនៅភូមិសិលាខ្មែរ ឃុំអូរបីជាន់ ចម្ងាយប្រហែល៤០០ម៉ែត្រ បន្ទាប់ពីភាគីទាំងពីរបានយល់ព្រមថា នឹងមិនប្រើប្រាស់តំបន់ជម្លោះនេះទេ រហូតដល់មានការបោះបង្គោលព្រំដែនជាផ្លូវការ។ មន្ត្រីគណបក្សប្រឆាំងថា ការចរចានេះ ភាគីកម្ពុជាបានចាញ់ប្រៀបភាគីថៃទាំងស្រុង ដោយសារតែភាគីថៃកំពុងកាន់កាប់ចូលក្នុងទឹកដីកម្ពុជា លើសពីតំបន់ដែលភាគីថៃបានទាមទារជាច្រើនទីតាំង ក៏ប៉ុន្តែភាគីថៃនៅតែមិនព្រមដកកងទ័ពចេញ តាមសំណើរបស់កម្ពុជានោះឡើយ។
