ការកត់សម្គាល់នេះ គឺបន្ទាប់ពីអ្នកនាំពាក្យកងទ័ពភូមិន្ទថៃ នៅថ្ងៃទី៩ ខែកុម្ភៈ បានបញ្ជាក់ថា ភាគីកម្ពុជាត្រូវតែបោសសម្អាតគ្រាប់មីន និងបន្ធូរបន្ថយភាពតានតឹងតាមព្រំដែនជាមុនសិន ទើបអាចរៀបចំកិច្ចប្រជុំគណៈកម្មការចម្រុះព្រំដែនគោក(JBC) បាន។
ការព្រមាននេះ ធ្វើឡើងបន្ទាប់ពី មេដឹកនាំថៃ បានត្រៀមលុបចោលអនុស្សរណៈ នៃការយោគយល់គ្នា ឆ្នាំ២០០១ ជាមួយកម្ពុជា ស្ដីពីព្រំដែនសមុទ្រ ដែលអនុស្សរណៈនេះ ត្រូវបានប្រើប្រាស់ជា គោលការណ៍ច្បាប់អន្តរជាតិ។
នាយករដ្ឋមន្ត្រីថៃ លោក អានុទីន ចាន់វីរៈគុល បានបញ្ជាឱ្យក្រសួងការបរទេស និងក្រសួងការពារជាតិថៃ សិក្សាជាបន្ទាន់ អំពីការបញ្ចប់អនុស្សរណៈយោគយល់គ្នា ឆ្នាំ២០០១ ឬMOU44 ស្ដីអំពីការអភិវឌ្ឍធនធានសមុទ្រជាមួយកម្ពុជា។ អ្នកឃ្លាំមើលបារម្ភថា ការសម្រេចរបស់មេដឹកនាំថៃ គឺជាការចាប់ផ្ដើមចូលឈ្លានពានមកលើដែនសមុទ្រកម្ពុជា ក្រោយការឈ្លានពានលើដែនគោក ទទួលបានជោគជ័យ។
លោក ហ៊ុន ម៉ាណែត លើកឡើងថា ការបញ្ចេញមតិឈឺចាប់ និងការខឹងសម្បារចំពោះទង្វើថៃ ឈ្លានពានទឹកដីខ្មែរ មិនមានអ្វីខុសនោះទេ ព្រោះពលរដ្ឋមានសិទ្ធិសេរីភាព ក្នុងបញ្ចេញមតិ ប៉ុន្តែ រដ្ឋាភិបាលរបស់លោកចាប់ពលរដ្ឋ និងអ្នកនយោបាយបក្សបក្សប្រឆាំង ដាក់គុកអស់ជិត២០នាក់ ក្រោយពីសម្ដែងមតិរិះគន់រឿងព្រំដែន។
ការលើកឡើងនេះ ធ្វើឡើងបន្ទាប់ពីលោក ហ៊ុន ម៉ាណែត ប្រាប់ឲ្យពលរដ្ឋទុកចិត្តរដ្ឋាភិបាល ក្នុងការរកដំណោះស្រាយជម្លោះព្រំដែនរវាងកម្ពុជា-ថៃ តាមរយៈគណៈកម្មាធិការចម្រុះព្រំដែនគោកកម្ពុជា-ថៃ (JBC)។
មន្ត្រីបក្សប្រឆាំង និងអ្នកឃ្លាំមើលបារម្ភជាខ្លាំងករណីរដ្ឋាភិបាលក្រុងភ្នំពេញ ឯកភាពពន្លឿនការបោះបង្គោលព្រំដែន ដែលនៅសេសសល់ឲ្យបានឆាប់រហ័សជាមួយប្រទេសវៀតណាម ខណៈកម្ពុជាកំពុងបែកបាក់ជាតិ និងកំពុងរងការឈ្លានពានពីយោធាថៃ។
ថៃបានបន្តធ្វើសកម្មភាពឈ្លានពានកម្ពុជា ទោះនៅក្នុងអំឡុងការបោះឆ្នោតនៅប្រទេសថៃ ដោយអ្នកជាតិនិយម និងក្រុមយោធាថៃ បានតម្រៀបទូកុងទឺន័រ រាប់រយម៉ែត្រនៅតំបន់ថ្មដា ព័ទ្ធយកទីតាំងជនស៊ីវិលរបស់កម្ពុជា។ មន្ត្រីបក្សប្រឆាំងថា ករណីនេះ បានបង្ហាញពីភាពកម្សោយ និងជំហរទន់ជ្រាយរបស់មេដឹកនាំកម្ពុជា ដែលបណ្ដោយឱ្យថៃចូលឈ្លានពានកម្ពុជា ទោះបីជាថៃជាប់រវល់បោះឆ្នោតយ៉ាងណាក្ដី។
កងទ័ពខ្មែរមួយចំនួន ដែលកំពុងឈរជើងនៅតាមតំបន់ព្រំដែន អះអាងថា នៅក្នុងស្ថាប័នការពារជាតិរបស់កម្ពុជា មានការប្រព្រឹត្តអំពើពុករលួយគ្រប់បែបយ៉ាង រាប់តាំងពីការបង្កើតឈ្មោះទាហានខ្មោច ការលក់ឈ្មោះទាហាន ការកិបកេងសម្ភារៈ និងហិរញ្ញវត្ថុ សម្រាប់ផ្គត់ផ្គង់កងទ័ព និងការបែងចែកបក្ខពួកជាដើម។
ពួកគាត់ថា វត្តមានមេដឹកនាំវៀតណាមនេះ ពុំផ្ដល់ផលចំណេញអ្វី ដល់ប្រជាជនកម្ពុជានោះទេ ផ្ទុយទៅវិញ កម្ពុជានឹងត្រូវ បាត់បង់ទឹកដីបន្ថែមទៀត ប្រសិនបើ កម្ពុជាពឹងពាក់វៀតណាម ឱ្យជួយដោះស្រាយបញ្ហា ព្រំដែនរវាងកម្ពុជា និងថៃ ជាថ្នូរនឹងការដោះដូរផ្សេងៗ។
អ្នកនយោបាយប្រឆាំង ជំរុញឲ្យរដ្ឋាភិបាលកម្ពុជាចាត់វិធានការច្បាប់ប្ដឹងយោធានិងរដ្ឋាភិបាលថៃ ទៅតុលាការអន្តរជាតិ បើមិនដូច្នោះទេ គឺមិនខុសពីការថ្លែងសារនយោបាយកំដរបរទេសឈ្លានពានឡើយ។ ពួកគេថាការថ្លែងសារដដែលៗរបស់កម្ពុជាគ្មានប្រសិទ្ធភាពបញ្ឈប់ថៃពីការព័ទ្ធយកទឹកដីខ្មែរនោះទេ ហើយរឹតតែធ្វើឱ្យយោធាថៃគឃ្លើនប្រមាថមើលងាយខ្មែរបន្តទៀត។
កងទ័ពខ្លះដាក់លក់ផ្ទះដើម្បីព្យាបាលជំងឺក្រោយពីរងផលប៉ះពាល់ផ្សែងពុលអំឡុងពេលសង្គ្រាមជាមួយថៃ
ពួកគាត់ថា ការលក់ផ្ទះ ព្រោះតែ ជីវភាពខ្វះខាតខ្លាំង គ្មានថវិកាចំណាយថ្លៃព្យាបាល ជំងឺការធ្វើដំណើរ និងការហូបចុកជាដើម ខណៈជំនួយពីរដ្ឋាភិបាល លោក ហ៊ុន ម៉ាណែត ក៏គ្មាន។
