ការប្រើប្រាស់រូបភាពស្រើបស្រាលដោយរំលោភបំពាន គឺជាប្រភេទមួយនៃអំពើហិង្សាផ្អែកលើយេនឌ័រ ដែលកំពុងកើតមាននៅទូទាំងប្រទេស។ ថ្មីៗនេះ អង្គការសិទ្ធិមនុស្សលីកាដូបានរកឃើញថា ការប្រើប្រាស់រូបភាពស្រើបស្រាលដោយរំលោភបំពាននេះ មានការកើនឡើងគួរឱ្យព្រួយបារម្ភ។ អង្គការលីកាដូបានចងក្រងករណីរំលោភបំពានចំនួន ២៤ ករណី ដែលពាក់ព័ន្ធនឹងការប្រើប្រាស់រូបភាពស្រើបស្រាលដោយរំលោភបំពាន ចាប់តាំងពីឆ្នាំ ២០២៤ មក ក្នុងនោះមួយភាគបីនៃករណីទាំងនេះ កើតមានក្នុងរយៈពេល ១២ ខែចុងក្រោយនេះ។ ពាក់កណ្ដាលនៃអ្នករងផលប៉ះពាល់នៅក្នុងករណីជាច្រើន គឺជាក្មេងស្រីដែលមានអាយុចាប់ពី ១៣ ឆ្នាំ ដល់ ១៧ ឆ្នាំ។
តើអ្វីទៅជាការប្រើប្រាស់រូបភាពស្រើបស្រាលដោយរំលោភបំពាន? តើបញ្ហានេះ បង្កផលប៉ះពាល់បែបណាដល់ស្ត្រី និងក្មេងស្រី?
