ទាហានខ្មែរ និងទាហានថៃរុញច្រានគ្នានៅតំបន់ព្រំដែនមុំបី ក្រោយទាហានថៃចូលរាយបន្លាលួសក្នុងទឹកដីកម្ពុជា

ទាហានខ្មែរ និងទាហានថៃ ដែលឈរជើងនៅតំបន់ព្រំដែនមុំបី នៅតែប្រឈមមុខដាក់គ្នារហូតមកដល់ពេលនេះ ដោយសារក្រុមទាហានថៃបានចូលមករាយបន្លាលួស និងដើរល្បាតចូលក្នុងទឹកដីកម្ពុជា ហើយត្រូវទាហានខ្មែរបណ្ដេញឱ្យចេញទៅវិញ។ ជម្លោះពាក្យសម្ដីរបស់កងកម្លាំងនៃប្រទេសទាំងពីរនេះ បានធ្វើឱ្យស្ថានការណ៍នៅតំបន់មុំបី កាន់តែរសើប ដោយភាគីទាំងពីរសុទ្ធតែបានត្រៀមប្រយុទ្ធរៀងៗខ្លួន។