កម្លាំងអាជ្ញាធរបានឡោមព័ទ្ធ និងឆ្មក់ចូលបង្ក្រាបផ្ទះវីឡាទោលប្រណិតមួយកន្លែងទៀតក្នុងរាជធានីភ្នំពេញ ដោយរកឃើញជនបរទេសយ៉ាងហោចណាស់ ២៥នាក់ សង្ស័យថា បានសម្ងំប្រតិបត្តិការឆបោកតាមអនឡាញ។ ទោះជាយ៉ាងណា អាជ្ញាធរមិនទាន់បង្ហាញអត្តសញ្ញាណម្ចាស់វីឡាទោល ឬចាត់វិធានការនាំខ្លួនម្ចាស់ទីតាំងយកមកទទួលខុសត្រូវតាមផ្លូវច្បាប់នៅឡើយទេ។ អ្នកឃ្លាំមើល ចង់ឃើញរដ្ឋាភិបាលលោក ហ៊ុន ម៉ាណែត បង្ហាញឆន្ទៈនយោបាយពិតប្រាកដប្រឆាំងនឹងឧក្រិដ្ឋកម្មនេះ ដោយធានាថា មេខ្លោងធំៗ និងអ្នកដែលពាក់ព័ន្ធដែលទីតាំងឱ្យឧក្រិដ្ឋជនត្រូវបាននាំយកមកផ្ដន្ទាទោស។
