ក្នុងពេលកម្ពុជាកំពុងរួមរឹតដោយឧក្រិដ្ឋកម្ម រងការឈ្លានពានទឹកដីពីថៃ ក្រុមទាហានជួរមុខ និងជនភៀសសឹកគ្មានអាហារហូបចុកព្រមទាំងគ្មានទីជម្រកស្នាក់នៅនោះ ក្រុមកូនចៅមន្ត្រីមានអំណាចបែរជាបង្អួតរថយន្តសេរីទំនើបតម្លៃកប់ពពក បញ្ឈឺចិត្តពលរដ្ឋ និងទាហានជួរមុខទៅវិញ។ អ្នកឃ្លាំមើល និងមន្ត្រីបក្សប្រឆាំងលើកឡើងថា ទ្រព្យសម្បត្តិ និងរថយន្តប្រណិតៗរបស់កូនចៅមន្ត្រីអ្នកមានអំណាចទាំងនោះ គឺបានមកពីអំពើពុករលួយ និងជំនួញទុច្ចរិតនានារបស់ពួកគេ។
