កាសែតវៀតណាមថា កម្ពុជាយល់ព្រមតាមសំណើមេដឹកនាំវៀតណាមសម្រួលឱ្យជនជាតិវៀតណាមនៅកម្ពុជារស់នៅងាយស្រួល

កាសែត វីអិន អិចប្រេស (VN Express) របស់វៀតណាមផ្សាយថា ភាគីកម្ពុជាបានយល់ព្រមតាមសំណើរបស់ថ្នាក់ដឹកនាំវៀតណាម ក្នុងការសម្របសម្រួលឱ្យជនជាតិ ឬអ្នកមានដើមកំណើតវៀតណាម អាចរស់នៅលើទឹកដីកម្ពុជាបានដោយស្ថិរភាព និងមានភាពងាយស្រួលជាងមុន។ ទោះជាយ៉ាងណា កម្ពុជាមិនបានបញ្ជាក់ចំណុចនេះ ក្នុងសេចក្ដីប្រកាសព័ត៌មានស្ដីពីលទ្ធផលនៃដំណើរទស្សនកិច្ចរបស់លោកនាយករដ្ឋមន្ត្រី ហ៊ុន ម៉ាណែត ទៅបំពេញទស្សនកិច្ចនៅវៀតណាមថ្មីៗ នេះឡើយ។