អ្នកឃ្លាំមើលរិះគន់អាជ្ញាធរខេត្តព្រៃវែងរឿង ផ្ដល់តួនាទីឱ្យអតីតអធិការរងស្រុកព្រះស្ដេចលោក ជឹម រតនៈ ដែលធ្លាប់ប្រព្រឹត្តបទល្មើស ឃាតកម្ម ឱ្យធ្វើជាសមាជិកក្រុមប្រឹក្សាស្រុកព្រះស្ដេច និងជាអនុប្រធានសភាយុវពាណិជ្ជកម្ម កម្ពុជាខេត្ត ព្រៃវែង ក្រោយពី បុគ្គលរូបនេះត្រូវបានដោះលែង ចេញពីពន្ធនាគារ ។ អ្នកឃ្លាំមើលចាត់ទុកករណីជានេះជាវិបត្តិប្រព័ន្ធយុត្តិធម៌ និង អភិបាលកិច្ច នៅកម្ពុជា ដែលជះឥទ្ធិពលអវិជ្ជមាន ដល់សង្គមជាតិទាំងមូល។
