ទាហានថៃ នៅតែប្រមាថ និងបណ្ដេញទាហានខ្មែរ នៅពេលចុះល្បាតតាមបណ្ដោយព្រំដែន

ទាហានខ្មែរ ដែលកំពុងឈរជើងនៅតាមព្រំដែន បានអះអាងថា ទាហានថៃនៅតែបន្តប្រើប្រាស់ពាក្យសម្ដីប្រមាថមើលងាយ និងបណ្ដេញទាហានខ្មែរ នៅពេលទាហានខ្មែរចុះបេសកកម្មល្បាតតាមព្រំដែន និងធ្វើការរារាំងសកម្មភាពឈ្លានពានរបស់ទាហានថៃលើទឹកដីខ្មែរ។ ជាមួយគ្នានេះ ទាហានខ្មែរបានបដិសេធ ចំពោះការចោទប្រកាន់របស់យោធាថៃ ដែលថាកម្ពុជាចល័តកម្លាំងសព្វាវុធ ដើម្បីត្រៀមធ្វើសង្គ្រាមជាលើកទីបីនោះផងដែរ។