សកម្មជនបរិស្ថានទាមទារដកមន្ត្រីព្រៃឡង់ខេត្តព្រះវិហារ ជុំវិញការកាប់ទន្ទ្រានព្រៃរាប់សិបហិកតា

សកម្មជនការពារបរិស្ថាន និង ព្រៃឈើ ទាមទារឲ្យដកមន្ត្រីបរិស្ថាននៅតំបន់ព្រៃឡង់ខេត្តព្រះវិហារចេញពីតំបន់នោះ ឬបញ្ចប់តួនាទី ដោយសារមន្ត្រីទាំងអស់នោះមិនការពារព្រៃឈើឲ្យបានតឹងរ៉ឹង បណ្ដោយឲ្យជនល្មើសកាប់ទន្ទ្រានដីព្រៃតំបន់ការពាររាប់សិបហិកតារ។ មន្ត្រីសង្គមស៊ីវិលថា អាជ្ញាធរពាក់ព័ន្ធថ្នាក់ជាតិគួរចាត់វិធានការទៅលើជនប្រព្រឹត្ត និងអ្នកឃុបឃិត។