ក្រុមអ្នកឃ្លាំមើលសង្គមអះអាងថា ប្រទេសថៃនៅតែចិញ្ចឹមចិត្តបើកការវាយប្រហារឈ្លានមកលើប្រទេសកម្ពុជាសាជាថ្មីទៀត ដោយព្យាយាមបង្កើតឱ្យមានព្រឹត្តិការណ៍ផ្សេងៗដើម្បីចោទមកលើកម្ពុជា។
អ្នកឃ្លាំមើលថា ស្ថានការណ៍ជម្លោះព្រំដែនរវាងកម្ពុជា និងថៃ គ្មានភាពច្បាស់លាស់នោះទេ ដោយសារភាគីថៃ បានពន្យារពេលចូលរួមកិច្ចប្រជុំ ដើម្បីដោះស្រាយរឿងបោះបង្គោលព្រំដែន ដែលស្នើឡើងដោយកម្ពុជា និងចោទប្រកាន់កម្ពុជា ថា រំលោភកិច្ចព្រមព្រៀងបទឈប់បាញ់។
អ្នកសារព័ត៌មានឯករាជ្យថា សហគមន៍អន្តរជាតិពុំសូវចាប់អារម្មណ៍នឹងកម្ពុជា ដោយសារស្ថាប័នព័ត៌មានក្នុងស្រុកភាគច្រើន ត្រូវប្រើប្រាស់ដោយរដ្ឋាភិបាល ឬ អ្នកមានអំណាច។
ពលរដ្ឋ និងអ្នកឃ្លាំមើលរិះគន់ប្រធានព្រឹទ្ធសភាលោក ហ៊ុន សែន ដែលបង្ហោះបទចម្រៀងធ្វើព្រងើយ ខណៈពលរដ្ឋរាប់ម៉ឺននាក់ និងប្រទេសជាតិ កំពុងរងគ្រោះពីការឈ្លានពានរបស់យោធាថៃ។ ពួកគាត់ យល់ថា ទង្វើរបស់លោកហ៊ុន សែន នេះ ហាក់ខ្វាយខ្វល់ពីរឿងផ្ទាល់ខ្លួន ច្រើនជាងបញ្ហាទុក្ខសោករបស់ជាតិនិងប្រជាជន។
ការលើកឡើងនេះ គឺជាការឆ្លើយតបទៅនឹងអ្នកនាំពាក្យរដ្ឋាភិបាលដែលបានចោទថា ពលរដ្ឋខ្មែរនៅក្រៅប្រទេសមួយចំនួន គឺជាអ្នកបម្រើសង្គ្រាមចិត្តសាស្ត្រឱ្យយោធាថៃ ក្នុងចេតនាបំបែកកម្លាំងសាមគ្គីរបស់ខ្មែរ។
ប្រជាពលរដ្ឋដែលរងគ្រោះដោយសារយោធាថៃរំលោភយកដីធ្លី និងផ្ទះសម្បែង នៅតាមបណ្ដោយព្រំដែនកម្ពុជា-ថៃ ពុំទាន់ទទួលបានដំណោះស្រាយណាមួយ ពីរដ្ឋាភិបាលកម្ពុជានៅឡើយ ខណៈអាជ្ញាធរបានត្រឹមជូនដំណឹងឱ្យពលរដ្ឋរក្សាភាពអត់ធ្មត់។ អ្នកឃ្លាំមើលថា រដ្ឋាភិបាលត្រូវយកករណីនេះប្ដឹងទៅស្ថាប័នអន្តរជាតិ និងបង្កើនសកម្មភាពការទូតឱ្យខ្លាំង។
កម្ពុជាស្នើភាគីថៃជាលើកទី២ ដើម្បីប្រជុំគណៈកម្មការចម្រុះខណ្ឌសីមាព្រំដែនគោក ហៅកាត់ចេប៊ីស៊ី (JBC) លើបញ្ហាដីខ្មែរដែលយោធាថៃកំពុងកាន់កាប់ដោយខុសច្បាប់។
ការទទូចនេះ ក្រោយពីពួកគេសង្កេតឃើញថា ធនាគារ និងគ្រឹះស្ថានមីក្រូហិរញ្ញវត្ថុ នៅតាមតំបន់មួយចំនួន មិនស្ដាប់តាមការណែនាំរបស់ ធនាគារជាតិនៃកម្ពុជាឡើយ ខណៈគ្រួសារទាហានជួរមុខ និងពលរដ្ឋរងគ្រោះបន្តរងការគំរាមឱ្យបង់ប្រាក់ជំពាក់ធនាគារ។
ក្រសួងការបរទេសកម្ពុជាប្រកាសទទួលស្គាល់ជាលើកដំបូងនៅថ្ងៃទី៣ មករា ថា យោធាថៃបានកាន់កាប់ទឹកដីខ្មែរជាច្រើនកន្លែងដោយខុសច្បាប់អន្តរជាតិ បន្ទាប់ពីរក្សាភាពស្ងៀមស្ងាត់ក្រោយយល់ព្រមទទួលយកបទឈប់បាញ់ជាលើកទី២ កាលពីថ្ងៃទី២៧ ធ្នូ។
ពួកគេថាឆ្លងកាត់សង្គ្រាមព្រំដែនពីរលើកនេះជាមួយយោធាថៃក្នុងឆ្នាំ២០២៥ កម្ពុជារងគ្រោះថ្នាក់ធ្ងន់ធ្ងរ ដោយសារទាហានថៃបានប្រើអាវុធទំនើបរហូតដល់យន្តហោះ F-16 និងដ្រូនបាញ់ស្រោចសន្ធាប់មកលើទឹកដីកម្ពុជា ខណៈកម្ពុជាពុំមានអាវុធធន់ធ្ងន់តបតជាមួយនឹងយោធាថៃឡើយ។
កងទ័ពខ្លះដាក់លក់ផ្ទះដើម្បីព្យាបាលជំងឺក្រោយពីរងផលប៉ះពាល់ផ្សែងពុលអំឡុងពេលសង្គ្រាមជាមួយថៃ
ពួកគាត់ថា ការលក់ផ្ទះ ព្រោះតែ ជីវភាពខ្វះខាតខ្លាំង គ្មានថវិកាចំណាយថ្លៃព្យាបាល ជំងឺការធ្វើដំណើរ និងការហូបចុកជាដើម ខណៈជំនួយពីរដ្ឋាភិបាល លោក ហ៊ុន ម៉ាណែត ក៏គ្មាន។
