ប្រធានព្រឹទ្ធសភា លោក ហ៊ុន សែន អំពាវនាវ ឱ្យអាជ្ញាធរជួយការពារសុវត្ថិភាពពលរដ្ឋថៃដែលរស់នៅកម្ពុជា បើទោះបីជាយោធាថៃវាយប្រហារឈ្លានពាន និងទម្លាក់គ្រាប់បែកមិនរើសគោលដៅលើពលរដ្ឋស៊ីវិលជាច្រើនក្តី។
នាយករដ្ឋមន្ត្រីថៃថៃចាំផ្ទះ លោក អានុទីន ថា ករណីទាហានថៃជាន់មីនរបួសកាលពីពេលកន្លងទៅ មិនមែនជាគ្រោះថ្នាក់ចៃដន្យ ដូចដែលប្រធានាធិបតីអាមេរិក លោក ដូណាល់ ត្រាំ បានអះអាងនោះទេ។
លោក ត្រាំ ថា មេដឹកនាំកម្ពុជា-ថៃយល់ព្រមបទឈប់បាញ់នៅព្រឹកនេះ ប៉ុន្តែកងទ័ពថៃនៅបន្តទម្លាក់គ្រាប់យ៉ាងសន្ធឹកនៅពោធិ៍សាត់ និងបំផ្លាញស្ពានរបស់កម្ពុជា។
នាយករដ្ឋមន្ត្រីកម្ពុជាលោក ហ៊ុន ម៉ាណែត ស្នើកងទ័ព ឬស្ថាប័នជំនាញរបស់អាមេរិក និងម៉ាឡេស៊ី អាចប្រើសមត្ថភាពប្រមូលព័ត៌មាន ដូចជារូបភាពផ្កាយរណបដើម្បីផ្ទៀងផ្ទាត់ថា តើភាគីណាបាញ់មុន។
តំណាងកម្ពុជាប្រចាំអង្គការសហប្រជាជាតិ ស្នើឱ្យក្រុមប្រឹក្សាសន្តិសុខអង្គការសហប្រជាជាតិ ថ្កោលទោស និងបញ្ឈប់ទង្វើគឃ្លើនរបស់ថៃ បន្តឈ្លានពានទឹកដីកម្ពុជាហើយ ជាមួយគ្នានោះ កម្ពុជាក៏ត្រៀមប្ដឹងថៃ ទៅតុលាការព្រហ្មទណ្ឌអន្តរជាតិ ICCដែរ។
ថ្លែងនៅវិមានរដ្ឋាភិបាល នៅព្រឹកថ្ងៃទី១២ ខែធ្នូ នាយករដ្ឋមន្រ្តីថៃ លោក អានុទីន ចាន់វីរៈគុល (Anutin Chanvirarkul) បានប្រាប់ទៅកាន់អ្នកសារព័ត៌មានថា ការរំលាយសភា នឹងមិនធ្វើឱ្យប៉ះពាល់ដល់ប្រតិបត្តិការយោធា ដែលកំពុងប្រយុទ្ធគ្នានៅតាមព្រំដែនថៃ-កម្ពុជា នោះទេ។ទោះជាយ៉ាងណា ក្រោយប្រាប់អ្នកកាសែតរួច លោក អានុទីន បានកាន់កាហ្វេមួយកែវ ដើរចូលទៅក្នុងវិមានរដ្ឋាភិបាល ដើម្បីបើកការប្រជុំជាមួយគណៈរដ្ឋមន្រ្តី ដោយមិនបានប្រាប់អំពីមូលហេតុនៃការរំលាយសភា ដែលអ្នកកាសែតបានសួរនោះឡើយ៕
អ្នកនាំពាក្យក្រសួងការពារជាតិកម្ពុជា អ្នកស្រី ម៉ាលី សុជាតា ថ្លែងនៅក្នុងសន្និសីទកាសែតនៅព្រឹកថ្ងៃទី១២ ធ្នូ ថា យោធាថៃបន្តវាយប្រហារចូលដីខ្មែរ ស្ទើរតែគ្រប់ទីតាំងដែលយោធាថៃបានឈ្លានពាន។
ពួកគាត់យល់ថា នៅក្នុងបរិបទនេះ កម្ពុជាគួរតែវាយបក ដោយប្រើប្រាស់សិទ្ធិការពារខ្លួនខាងផ្នែកយោធា និងម្ខាងទៀត កម្ពុជាត្រូវរកវិធីបង្ហាញព័ត៌មានឱ្យពិភពលោកដឹងថា ថៃដែលជាប្រទេសមានកម្លាំងយោធាធំ បានឈ្លានពានកម្ពុជា ដែលជាប្រទេសទន់ខ្សោយ។
អ្នកជំនាញផ្នែកភូមិសាស្ត្រនយោបាយ លោក សេង វណ្ណលី បានលើកឡើងថា តាមរដ្ឋធម្មនុញ្ញ ប្រទេសថៃនឹងត្រូវរៀបចំការបោះឆ្នោតមិនឱ្យលើសរយៈពេលពី៤៥-៦០ថ្ងៃ បន្ទាប់ពីព្រះមហាក្សត្រថៃបានសម្រេចនៅយប់ថ្ងៃទី១១ ខែធ្នូនេះ ឱ្យរំលាយសភា តាមការស្នើសុំភ្លាមៗរបស់លោកនាយករដ្ឋមន្ត្រីលោក អានុទីន
សំណើនេះ ធ្វើឡើងបន្ទាប់ពីពួកគាត់សង្កេតឃើញអំពីការចាញ់ប្រៀបរបស់កម្ពុជា ចំពោះប្រទេសថៃ ទៅលើការផ្សព្វផ្សាយព័ត៌មាន អំពីជម្លោះនៅតាមបណ្ដោយព្រំដែន ដោយសារតែថៃមានទីស្នាក់ការរបស់សារព័ត៌មានអន្តរជាតិច្រើនជាងកម្ពុជា។
ថៃព្រមានកម្ពុជាឈប់ធ្វើឱ្យខូចកេរ្តិ៍ឈ្មោះខ្លួន និងឈប់ឱ្យប្រើពាក្យថា «ថៃឈ្លានពានកម្ពុជា»
ក្រសួងការបរទេសថៃបានព្រមានឱ្យកម្ពុជា ឈប់ធ្វើឱ្យខូចកេរ្តិ៍ឈ្មោះរបស់ប្រទេសថៃ ពាក់ព័ន្ធនឹងករណីយោធាថៃ ចូលកាន់កាប់ទឹកដីកម្ពុជា នៅតំបន់ព្រំដែន។ ក៏ប៉ុន្តែ អ្នកឃ្លាំមើលថា ភាគីថៃកំពុងប្រើកម្លាំងយោធា បង្ខំឱ្យភាគីកម្ពុជាគោរពបទឈប់បាញ់តែម្នាក់ឯង។
