សង្គមស៊ីវិលរិះគន់រដ្ឋាភិបាលមិនអើពើជីវភាពពលរដ្ឋ ទើបពួកគាត់បង្ខំចិត្តទៅធ្វើការនៅថៃទាំងប្រថុយប្រថាន

សង្គមស៊ីវិលរិះគន់រដ្ឋាភិបាលថាមិនសូវអើពើពីជីវភាពពលរដ្ឋឱ្យបានត្រឹមត្រូវ ទើបពួកគាត់បង្ខំចិត្ត ទៅរកការងារធ្វើនៅប្រទេសថៃ ទាំងប្រថុយប្រថានដោយខុសច្បាប់ ខណៈអ្នកខ្លះត្រូវបាន ប៉ូលិសថៃ ចាប់ខ្លួន និងពិន័យជាប្រាក់អស់រាប់ម៉ឺនបាត ។ ការលើកឡើងនេះ ក្រោយពីពលករខ្មែរជាច្រើននាក់ បាននាំគ្នាសម្រុកទៅរកការងារធ្វើនៅប្រទេសថៃ បន្ទាប់ពីបុណ្យចូលឆ្នាំព្រោះតែ ជីវភាពខ្វះខាត និង ពិបាករកការងារធ្វើនៅក្នុងស្រុក។