លោក ហ៊ុន ម៉ាណែត៖ កម្ពុជាប្រយុទ្ធយ៉ាងខ្លាំងក្លាប្រឆាំងឧក្រិដ្ឋកម្មឆ្លងដែន

លោកនាយករដ្ឋមន្ត្រី ហ៊ុន ម៉ាណែត ទទួលស្គាល់ថា បញ្ហាឧក្រិដ្ឋកម្មឆ្លងដែន ដូចជា អំពើឆបោកតាមអនឡាញ ជួញដូរមនុស្ស គ្រឿងញៀន និងការលាងលុយកខ្វក់ គឺមានភាពប្រទាក់ក្រឡាគ្នា ដែលក្រុមបណ្ដាញឧក្រិដ្ឋជននៅតែបន្តមានប្រតិបត្តិការនៅកម្ពុជា និងបានធ្វើឱ្យខូចប្រយោជន៍សេដ្ឋកិច្ច និងកេរ្តិ៍ឈ្មោះជាតិលើឆាកអន្តរជាតិ។ ទន្ទឹមនឹងការទទួលស្គាល់នេះ លោក ហ៊ុន ម៉ាណែត មិនបានបង្ហាញជំហរក្នុងការបោសសម្អាតកម្ចាត់អ្នក ដែលពាក់ព័ន្ធ ជាពិសេសមេខ្លោងអ្នកមានអំណាចកំពូលៗ ដែលកាងឧក្រិដ្ឋកម្មឆបោកតាមអនឡាញនេះឡើយ។