អង់គ្លេសដាក់ទណ្ឌកម្មបន្ថែមលើក្រុមហ៊ុន «លេជេន» នៅកម្ពុជា និងបណ្ដាញឆបោកជាច្រើនរបស់ឧក្រិដ្ឋជន ចេន ហ្ស៊ី

រដ្ឋាភិបាលចក្រភពអង់គ្លេស (UK) បានប្រកាសដាក់ទណ្ឌកម្មថ្មីមួយទៀត ដោយបង្កកទ្រព្យលើក្រុមហ៊ុន លេជេន អ៊ិននើវេសិន (Legend Innovation) និងតំណាងក្រុមហ៊ុននេះ ឈ្មោះ អៀង សុខលីម រួមទាំងបណ្ដាញជាច្រើនទៀតរបស់ឧក្រិដ្ឋជន ចេន ហ្ស៊ី (Chen Zhi) ចូលក្នុងបញ្ជីខ្មៅដោយសារតែពាក់ព័ន្ធនឹងការបង្កើតមជ្ឈមណ្ឌលឆបោកតាមអនឡាញដ៏ធំនៅកម្ពុជា។ មេខ្លោងធំ និងជាម្ចាស់ក្រុមហ៊ុន លេជេន ត្រូវបានគេស្គាល់ថា គឺជាលោក ហ៊ុន តូ និងឧក្រិដ្ឋជន ចេន ហ្ស៊ី ដែលបានបង្កើតឧទ្យានមួយកន្លែងនៅខេត្តព្រៃវែង ដើម្បីសាងសង់អគារសម្រាប់បង្ខាំងមនុស្សសម្រាប់ប្រតិបត្តិការឆបោកតាមអនឡាញ។