សព្វថ្ងៃនេះ មនុស្សជាច្រើន ជាពិសេសកុមារ និងយុវជន ចំណាយពេលរាប់ម៉ោងក្នុងមួយថ្ងៃនៅលើបណ្ដាញសង្គមផ្សេងៗ មាន TikTok, Facebook និង YouTube ជាដើម។
បណ្ដាញសង្គមអាចជួយឱ្យកុមារ និងយុវជនរៀនសូត្រ ទទួលបានព័ត៌មាន និងភ្ជាប់ទំនាក់ទំនងជាមួយមិត្តភក្ដិ។ ប៉ុន្តែ នៅពីក្រោយអេក្រង់ទូរស័ព្ទ ក៏មានហានិភ័យជាច្រើនផងដែរ រួមមាន ការញៀនទូរស័ព្ទ ការគេងមិនគ្រប់គ្រាន់ ការបាត់បង់សមត្ថភាពក្នុងការផ្ដោតអារម្មណ៍ ការប្រឈមមុខនឹងព័ត៌មានក្លែងក្លាយ និងមាតិកាដែលមិនសមស្របសម្រាប់កុមារ ជាដើម។
នៅពេលកូនចំណាយពេលជាមួយបណ្ដាញសង្គមច្រើនជាងជាមួយឪពុកម្តាយ តើអ្វីកំពុងមានឥទ្ធិពលខ្លាំងជាងគេលើគំនិត អារម្មណ៍ និងអាកប្បកិរិយារបស់ពួកគេ៖ ឪពុកម្តាយ ឬបណ្ដាញសង្គម?
តើឪពុកម្តាយគួរតាមដានការប្រើប្រាស់ទូរស័ព្ទ និងបណ្ដាញសង្គមរបស់កូនដល់កម្រិតណា? ហើយតើគួរធ្វើដូចម្តេច ដើម្បីការពារកូនដោយមិនបំផ្លាញទំនុកចិត្តក្នុងគ្រួសារ?
