យោធាថៃបាញ់កាំភ្លើងធុនធ្ងន់ចូលមន្ទីរពេទ្យបង្អែកស្រុកសំពៅលូន ខេត្តបាត់ដំបង កាលពីព្រឹកថ្ងៃទី១១ ធ្នូ។ នេះបើយោងតាមរដ្ឋមន្ត្រីក្រសួងព័ត៌មានលោក នេត្រ ភក្រ្តា ចុះផ្សាយនៅរសៀលដដែល។
អ្នកឃ្លាំមើលថា កម្ពុជាក្រៅពីប្រើសិទ្ធិការពារខ្លួនតាមផ្លូវយោធាគឺត្រូវតែប្ដឹងថៃទៅតុលាការអន្តរជាតិ ពាក់ព័ន្ធអំពើឧក្រិដ្ឋកម្មសង្គ្រាម និងការឈ្លានពានទឹកដីកម្ពុជា ខណៈដែលសហគមន៍អន្តរជាតិ កំពុងតែតាមដានជុំវិញការឈ្លានពាននេះ។
យោធភូមិភាគ១ បានឆ្មក់ចូលចាប់ខ្លួនមនុស្សម្នាក់ ដែលគេអះអាងថា ជាអតីតភរិយារបស់មេភូមិខ្មែរ ឈ្មោះលី គឺលោកស្រី ថង ឡាត់ នៅឃុំគោកស៊ូង ខេត្តស្រះកែវ ដោយសង្ស័យថា ជាចារកម្មយោធារបស់កម្ពុជា។
ក្រសួងការពារជាតិកម្ពុជាច្រានចោលការផ្សព្វផ្សាយរបស់សារព័ត៌មានថៃដែលចោទប្រកាន់កម្ពុជាថា បានប្រើប្រាស់ទាហានស៊ីឈ្នួលបរទេសមកជួយបង្ហោះដ្រូនអត្តឃាត ក្នុងជម្លោះព្រំដែនកម្ពុជា-ថៃ។
នៅថ្ងៃទី១១ ធ្នូ ក្រសួងវប្បធម៌ និងវិចិត្រសិល្បៈកម្ពុជាចេញលិខិតថ្កោលទោសចំពោះទង្វើរបស់យោធាថៃ ដែលបានវាយប្រហារដោយគ្រាប់បែកបំផ្លាញប្រាង្គប្រាសាទតាក្របីទាំងស្រុង។ កម្ពុជាចាត់ទុកទង្វើនេះថា ជាអំពើអសីលធម៌បំផុតរបស់យោធាថៃ។ក្រសួងវប្បធម៌ និងវិចិត្រសិល្បៈសំដែងការសោកស្ដាយ និងកាន់ទុក្ខនូវការខូចខាតប្រាង្គប្រាសាទដែលជាសម្បត្តិមរតកដូនតាខ្មែរ។ កាលពីថ្ងៃទី៩ ធ្នូ យោធាថៃបានវាយប្រហារប្រាសាទតាក្របីម្ដងហើយ ដោយទម្លាក់គ្រាប់បែកចំកំពូល និងខ្លួនប្រាសាទ ខូចខាតយ៉ាងដំណំ។ ក្រសួងបន្តថា នៅថ្ងៃទី១០ ធ្នូ យោធាថៃបន្តវាយប្រហារទម្លាក់គ្រាប់បែកទៀត រហូតបង្កការខូចខាតទាំងស្រុង។ប្រាសាទតាក្របី ត្រូវបានសាងសង់នៅអំឡុងសតវត្សទី១១ ក្នុងសម័យព្រះបាទ សូរ្យវរ្ម័នទី១ និងព្រះបាទ...
នៅព្រឹកព្រលឹមថ្ងៃទី១១ ខែធ្នូ នេះ ការប៉ះទង្គិចគ្នាយ៉ាងខ្លាំងក្លា បានផ្ទុះឡើងរវាងកងទ័ពកម្ពុជា និងកងទ័ពថៃ តាមបណ្តោយព្រំដែន។ នៅក្នុងសមរភូមិប្រយុទ្ធនេះ ភាគីទាំងពីរបានបាញ់ផ្លោងកាំភ្លើងធំ កាំភ្លើងត្បាល់ និងអាវុធធុនធ្ងន់ជាបន្តបន្ទាប់ ដើម្បីយកប្រៀបលើគូភាគី។ជាមួយគ្នានេះ អាជ្ញាធរខេត្តត្រាតរបស់ថៃ បានប្រកាសតាមស្ថានីយ៍វិទ្យុឱ្យប្រជាពលរដ្ឋថៃទាំងអស់ជម្លៀសចេញពីតំបន់តាមបណ្តោយព្រំដែនជាបន្ទាន់ ដោយសារការប្រយុទ្ធគ្នា មានសភាពកាន់តែខ្លាំងឡើង។តំបន់ជាប់ខេត្តត្រាតរបស់ថៃ គឺជាប់នឹងខេត្តពោធិ៍សាត់ តំបន់ថ្មដា និងខេត្តកោះកុង៕
កម្ពុជាបន្តអំពាវនាវឱ្យយោធាថៃងាកមកគោរពបទឈប់បាញ់ និងកិច្ចព្រមព្រៀងសន្តិភាព ប៉ុន្តែកម្ពុជារក្សាជំហរការពារខ្លួនយ៉ាងម៉ឺងម៉ាត់នូវការឈ្លានពានទឹកដីកម្ពុជា។
អង្គការយូណេស្កូ (UNESCO) ស្នើជាបន្ទាន់ឱ្យមានការការពារបេតិកភណ្ឌវប្បធម៌ និងគ្រប់ទម្រង់ទាំងអស់ បន្ទាប់ពីយោធាថៃវាយប្រហារលើប្រាសាទព្រះវិហារ និងប្រាសាទតាក្របី។
ប្រធានាធិបតីសហរដ្ឋអាមេរិកលោក ដូណាល់ ត្រាំ (Donald Trump) សង្ឃឹមថា លោកនៅតែអាចបញ្ឈប់សង្គ្រាមខ្មែរថៃជាលើកទី២។ លោកថ្លែងដូច្នេះពេលឆ្លើយសំណួររបស់អ្នកកាសែតកាលពីថ្ងៃទី១០ ធ្នូ។
ធនាគារជាតិនៃកម្ពុជានៅថ្ងៃទី១០ ខែធ្នូ ប្រកាសប្រាប់គ្រឹះស្ថានធនាគារ និងហិរញ្ញវត្ថុ ឬម្ចាស់បំណុលនានា ឱ្យផ្ដល់ការអនុគ្រោះមួយចំនួនដល់អ្នកខ្ចីប្រាក់ ឬកូនបំណុលជាគ្រួសារយោធិន និងអ្នកភៀសសឹក។
គណបក្សកម្លាំងជាតិអំពាវនាវឲ្យរដ្ឋាភិបាលដោះលែងអ្នកទោសនយោបាយ និងសកម្មជនជាប់ឃុំទាំងអស់
គណបក្សកម្លាំងជាតិអំពាវនាវឲ្យរដ្ឋាភិបាលដោះលែងសកម្មជននយោបាយ និងសកម្មជនសង្គម ឲ្យមានសេរីភាពឡើងវិញដើម្បីបង្ហាញថា ខ្មែរសាមគ្គីជាធ្លុងមួយ។ គណបក្សនេះក៏ប្រកាសថា នឹងដាក់ពាក្យបណ្តឹងទៅតុលាការព្រហ្មទណ្ឌអន្តរជាតិ ទាក់ទងទៅនឹងប្រទេសថៃឈ្លានពានមកលើអធិបតេយ្យភាពប្រទេសកម្ពុជា ដោយទាមទារឲ្យប្រទេសថៃផ្តល់សំណង់ខូចខាតមកកម្ពុជាដែរ។
