ជនរងគ្រោះនៃក្រុមហ៊ុនពិភពដីមាសរបស់អតីតឧកញ៉ា ហ៊ី គឹមហុង បានត្អួញត្អែងពីការកើនឡើងបំណុល ដោយសារពួកគាត់មិនអាចរកប្រាក់សងទៅធនាគារ បន្ទាប់ពីអ្នកខ្លះ ធ្លាក់ខ្លួនពិការលែងអាចធ្វើការងារបាន ហើយអ្នកខ្លះទៀត លក់ដូរលែងសូវដាច់ អំឡុងការធ្លាក់ចុះនៃសេដ្ឋកិច្ច។ ការត្អួញត្អែរនេះ បានធ្វើឡើង បន្ទាប់ពីតុលាការសម្រេចតាំងពីខែសីហា បង្គាប់ឲ្យអតីតឧកញ៉ា ហ៊ី គឹមហុង សងសំណងទៅក្រុមជនរងគ្រោះវិញ នូវទឹកជាង ៣៣លានដុល្លារ ប៉ុន្តែមកដល់ពេលនេះ ជនរងគ្រោះនៅមិនទាន់ទទួលបានទឹកប្រាក់នោះនៅឡើយ៕
