មន្ត្រីបក្សប្រឆាំង និងអ្នកឃ្លាំមើលបារម្ភជាខ្លាំងករណីរដ្ឋាភិបាលក្រុងភ្នំពេញ ឯកភាពពន្លឿនការបោះបង្គោលព្រំដែន ដែលនៅសេសសល់ឲ្យបានឆាប់រហ័សជាមួយប្រទេសវៀតណាម ខណៈកម្ពុជាកំពុងបែកបាក់ជាតិ និងកំពុងរងការឈ្លានពានពីយោធាថៃ។ ពួកគាត់យល់ថា ការពន្លឿនបោះបង្គោលព្រំដែនក្នុងពេលនេះ នឹងធ្វើឲ្យកម្ពុជា ចាញ់ប្រៀបហើយបាត់បង់ទឹកដីមួយចំណែកធំទៅវៀតណាម។
