ពលរដ្ឋចាញ់បោកភូមិខ្មែរគ្រុប ទទូចឱ្យលោក ហ៊ុន ម៉ាណែត ជំរុញអាជ្ញាធរស្វាយរៀងដោះស្រាយ បន្ទាប់ពីអូសបន្លាយជិត២ឆ្នាំ

ពលរដ្ឋចាញ់បោកក្រុមហ៊ុនភូមិខ្មែរគ្រុបទទូចឲ្យលោកនាយករដ្ឋមន្រ្តី ហ៊ុន ម៉ាណែត ជំរុញឱ្យអាជ្ញាធរខេត្តស្វាយរៀងពន្លឿនការដោះស្រាយ ខណៈអាជ្ញាធរបន្តគេចវេសក្នុងការដោះស្រាយបញ្ហាជូនពួកគាត់។ សង្គមស៊ីវិលលើកឡើងថាការពន្យារពេលដោះស្រាយរបស់អាជ្ញាធរ និងតុលាការនឹងធ្វើឲ្យប្រជាពលរដ្ឋរងគ្រោះបាត់បង់ទំនុកចិត្តលើប្រព័ន្ធយុត្តិធម៌នៅកម្ពុជា ហើយបញ្ហាទាំងអស់ នឹងធ្លាក់ទៅលើរដ្ឋាភិបាល។