ក្រុមហ៊ុនមេត្តា (Meta) បានសម្រេចដកវីដេអូរបស់លោក ហ៊ុន សែន ដែលប្រើភាសាអសុរោះ និងភាសាគំរាមកំហែងថា ”ងើបមួយ វ៉ៃមួយ”ចេញពីហ្វេសប៊ុក (Facebook) របស់លោកហើយ នៅថ្ងៃទី១៨ ខែមិថុនានេះ។ នេះបើតាមការអះអាងរបស់ប្រធានអង្គការចលនាខ្មែរ ដើម្បីប្រជាធិបតេយ្យ(KMD) អ្នកស្រី មូរ សុខហួរ ដែលទើបទទួលបានសារឆ្លើយតបតាមរយៈអ៊ីម៉ែល (Email)ពីតំណាងរបស់ក្រុមហ៊ុនMeta។
ការសម្រេចលុបសារគំរាមកំហែងនយោបាយរបស់លោក ហ៊ុន សែន ពីហ្វេសប៊ុក នេះ គឺបន្ទាប់ពីអង្គការចលនាខ្មែរដើម្បីប្រជាធិបតេយ្យ រួមទាំងសហគមន៍ខ្មែរនៅក្រៅប្រទេស បានដាក់បណ្តឹង ទៅកាន់ក្រុមហ៊ុនMeta និងក្រុមហ៊ុនហ្វេសប៊ុកប្រឆាំងនឹងលោក ហ៊ុន សែន ដែលប្រើបណ្ដាញសង្គមដើម្បីផ្សព្វផ្សាយសារគំរាមកំហែង ភាសាហិង្សា និងពាក្យអសុរោះ។
សូមតាមដានបទសម្ភាសន៍បន្ថែមជាមួយប្រធានអង្គការចលនាខ្មែរ ដើម្បីប្រជាធិបតេយ្យ(KMD) អ្នកស្រី មូរ សុខហួរ ជុំវិញរឿងនេះក្នុងកម្មវិធីផ្សាយនៅយប់ថ្ងៃទី១៨ មិថុនា។
