ក្រោយពេលមេដឹកនាំថៃ បាននិយាយនៅលើវេទិកាមហាសន្និបាតរបស់អង្គការសហប្រជាជាតិ ដោយអះអាងពីគោលបំណងចរចាសន្តិភាព ដើម្បីដោះស្រាយជម្លោះព្រំដែនជាមួយកម្ពុជានោះ នៅឯតំបន់ព្រំដែនកម្ពុជាវិញ យោធាថៃនៅតែបន្តសកម្មភាពឈូសឆាយទៅតាមទម្លាប់ ដែលយោធាថៃបានអនុវត្តតាំងពីមានបទឈប់បាញ់ជិតមួយឆ្នាំមកនេះ។ អ្នកឃ្លាំមើលថា ការអះអាងរបស់មេដឹកនាំថៃនៅលើវេទិកាអន្តរជាតិ គឺមិនអាចយកជាការបាននោះឡើយ ខណៈការថ្លែងរបស់ភាគីកម្ពុជាវិញ ក៏មិនអាចដាក់សម្ពាធភាគីថៃឱ្យគោរពតាមច្បាប់នោះដែរ។
