អង្គការសង្គមស៊ីវិលបានរៀបចំវេទិកាប្រជាពលរដ្ឋកម្ពុជា (CPF) ឆ្នាំ២០២៦ ក្រោមប្រធានបទ «សំឡេងរបស់យើង តំបន់របស់យើង៖ ការកសាងផ្លូវឆ្ពោះទៅកាន់អាស៊ានដែលយកប្រជាជនជាស្នូល ប្រកបដោយយុត្តិធម៌ គណនេយ្យភាព បរិយាបន្ន និងអន្តរអត្តសញ្ញាណ» កាលពីថ្ងៃទី២៤ ខែតុលា។ វេទិកានេះរៀបចំឡើងក្នុងគោលបំណងកំណត់បញ្ហាប្រឈមនានា ដែលកំពុងកើតមាននៅកម្ពុជា និងប្រមូលអនុសាសន៍រួមជាអាទិភាព ដើម្បីរួមចំណែកដល់ការតស៊ូមតិនៅថ្នាក់ជាតិ និងថ្នាក់តំបន់។ ជាពិសេស អនុសាសន៍ទាំងនេះនឹងត្រូវយកទៅចូលរួមក្នុងសន្និសីទសង្គមស៊ីវិលអាស៊ាន (APF/ACSC) ឆ្នាំ២០២៦ ដែលប្រទេសហ្វីលីពីនធ្វើជាម្ចាស់ផ្ទះ៕
