អាជ្ញាធរថៃបន្តចាប់ខ្លួនពលករខ្មែរ ដែលលួចចូលប្រទេសថៃ ដើម្បីរកការងារធ្វើ ក្រោយពីពួកគាត់ពិបាករកការងារធ្វើនៅក្នុងស្រុក។ មន្ត្រីអង្គការសង្គមស៊ីវិលរិះគន់ថា ការវិលត្រឡប់ ទៅរកការងារធ្វើនៅប្រទេសថៃ របស់ពលរដ្ឋខ្មែរទាំងប្រថុយប្រថានដោយខុសច្បាប់គឺជាការបរាជ័យរបស់រដ្ឋាភិបាល ក្នុងការផ្ដល់ការងារសមរម្យជូនពលរដ្ឋមិនបានត្រឹមត្រូវ។
គិតត្រឹមខែកញ្ញានេះ មានពលករខ្មែរជាង ១០០នាក់ហើយ ដែលត្រូវបានអាជ្ញាធរថៃចាប់ខ្លួនជាបន្តបន្ទាប់ ក្រោយពីពលរដ្ឋខ្មែរទាំងនោះបានលួចចូល ទៅប្រទេសថៃ ដើម្បីស្វែងរកការងារធ្វើ។ ពួកគាត់អះអាងថា ដោយសារតែនៅក្នុងស្រុកពិបាករកការងារធ្វើ ដែលមានស្ថិរភាព និងមានប្រាក់ចំណូលសមរម្យទើបត្រូវបង្ខំចិត្ត ទៅប្រទេសថៃទាំងប្រថុយប្រថាន។
នៅថ្ងៃទី២៨ខែកញ្ញា នេះសារព័ត៌មានថៃបានចុះផ្សាយថា អាជ្ញាធរថៃប្រចាំស្រុកអារញ្ញប្រថេត (Aranyaprathet) ខេត្តស្រះកែវ ប្រទេសថៃ បានស្ទាក់ចាប់ ពលករខ្មែរ ប្រមាណ៩នាក់ អំឡុងពេលដែលពួកគាត់ព្យាយាមជិះទូកជ័រឆ្លងអូរ ជ្រៅមួយចូលទៅក្នុងទឹកដីថៃ ដែលជាប់ព្រំដែនរវាងខេត្តបន្ទាយមានជ័យ និងខេត្តស្រះកែវ ប្រទេសថៃ។ បច្ចុប្បន្ន កម្មករទាំងនោះ ត្រូវបានអាជ្ញាធរថៃ ចាប់បញ្ជូនទៅទីស្នាក់ការនគរបាលខេត្តស្រះកែវ ដើម្បីបន្តនីតិវិធី។
ពលករខ្មែរដែលទើបតែឡើងទៅធ្វើការនៅប្រទេសថៃ លោកស្រី វ៉ាវ ស៊ី ប្រាប់ទូរទស្សន៍អាស៊ីសេរីនៅថ្ងៃទី២៩ ខែកញ្ញាថា បច្ចុប្បន្នមានពលករខ្មែរ សម្រុកឡើងមករកការងារធ្វើនៅប្រទេសថៃច្រើន ចន្លោះពី៥០ ទៅ១០០នាក់ ក្នុងមួយថ្ងៃៗ។ ពលករទាំងនោះ ត្រូវចែកវេនគ្នាដើរដោយថ្មើរជើងចូលទឹកដីថៃនៅពេលយប់ស្ងាត់ ដោយបែងចែកជា ក្រុមៗ ដែលមានគ្នា ចន្លោះពី១០នាក់ ទៅ២០នាក់។ លោកស្រីអះអាងថា ការចូលទៅប្រទេសថៃនេះ គឺត្រូវចំណាយថវិកាច្រើនឱ្យទៅមេខ្យល់ គឺក្នុងម្នាក់៨ ទៅ៩ពាន់បាត ឬស្នើជាង៤០០ដុល្លារ។
លោកស្រីបញ្ជាក់ថា ឡើងមករកការងារធ្វើនៅប្រទេសថៃ ដោយខុសច្បាប់នេះ គឺប្រថុយប្រថានណាស់ ព្រោះ បើសិនជាចំពេលកងទ័ពថៃចូលល្បាត នឹងត្រូវបានចាប់ខ្លួន រួចបញ្ជូនទៅឃុំនៅពន្ធនាគារប្រទេសថៃមួយរយៈ ទើបបញ្ជូនមកខ្មែរវិញ។ លោកស្រីបន្តថា សព្វថ្ងៃពលរដ្ឋខ្មែរភាគច្រើនដែលឡើង មករកការងារធ្វើនៅប្រទេសថៃនេះ ដោយសារតែគ្មានជម្រើសព្រោះនៅស្រុកខ្មែរ ពិបាករកការងារធ្វើ គ្មានលុយសងបំណុល និងផ្គត់ផ្គង់គ្រួសារ។ ទន្ទឹមនឹងការលំបាកពេលឡើងមកប្រទេសថៃ ពួកគាត់ក៏ត្រូវប្រឈមការលំបាកមួយ តង់ទៀត គឺការរើសអើងពីប្រជាជនថៃ និងថៅកែថៃខ្លះ មិនទទួលយកឱ្យ ធ្វើការជាដើម។
លោកស្រី វ៉ាវ ស៊ី៖ «បើនិយាយថាឱ្យពិបាក គឺវាពិបាកពិបាកខ្លាំង។ ពេលខ្លះ យើងនៅឈរ នៅចាំការងារទម្រាំតែថៅកែគេមករកយើង។ ពេលខ្លះទៀត ឈរទាំងភ្លៀង ទាំងអី.។ ហើយប៉ូលិសថៃ គេចុះចាប់ ទាំងព្រឹក ទាំងល្ងាច។ យើងនៅស្រុកគេពិបាក ម្យ៉ាងនៅស្រុកគេ យើងអត់ចេះផង ពិបាករកការងារធ្វើ»។
ទូរទស្សន៍អាស៊ីសេរីពុំអាចទាក់ទងអ្នកនាំពាក្យក្រសួងការងារ លោក ស៊ុន មេសា ដើម្បីឆ្លើយតបជុំវិញរឿងនេះបានទេ នៅថ្ងៃទី២៩ ខែកញ្ញា ដោយហៅទូរស័ព្ទចូលតែគ្មានអ្នកទទួល។
កន្លងទៅនេះមន្ត្រីក្រសួងការងារ រួមនឹងនាយករដ្ឋមន្ត្រី លោកហ៊ុន ម៉ាណែត ផងតែងតែអះអាងថា បច្ចុប្បន្នកម្ពុជា មានរោងចក្ររាប់សិបកន្លែង ហើយមានពលករខ្មែរ ដែលត្រឡប់ពីប្រទេសថៃ ជាច្រើន មានការងារធ្វើ និងមានប្រាក់ចំណូលសមរម្យ។ ប៉ុន្តែពលករខ្មែរដែលបានត្រឡប់មកប្រទេសថៃវិញ អះអាងថា កម្ពុជាមានការងារច្រើនមែន ប៉ុន្តែការងារភាគច្រើន ទទួលបានប្រាក់ឈ្នួលថោក ហើយប្រើកម្មករលើសកម្លាំង និងពុំសូវមានការងារធ្វើបានថិតថេរ។
រីឯកម្មករធ្វើការសំណង់វិញ ពួកគាត់អះអាងថា នៅតាមការដ្ឋាន សម្បូរតែពួកមេការបោកប្រាស់ មិនបានបើកប្រាក់ឱ្យកម្មករបានទៀងទាត់ ឬបើបើកប្រាក់ឱ្យក៏ បើកប្រាក់មិនគ្រប់ចំនួនជាដើម។ ជាមួយគ្នានោះ ពួកគាត់ថា ប្រសិនបើនៅខ្មែរមានការងារធ្វើសមរម្យ និងមានប្រាក់ចំណូលទៀងទាត់ ដើម្បីផ្គត់ផ្គង់គ្រួសារ និងសង់បំណុលជាដើម គឺពួកគាត់ មិនចង់ត្រឡប់មករកការងារធ្វើនៅប្រទេសថៃ វិញនោះទេ ព្រោះនៅថៃ ប្រឈមការចាប់ខ្លួនពីប៉ូលិសថៃគ្រប់ពេល។
ប្រធានកម្មវិធីប្រឆាំងការជួញដូរមនុស្ស និងទេសន្តរប្រវេសក៍ នៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTRAL) យល់ថា ការដែលពលករខ្មែរ ត្រឡប់ទៅរកការងារធ្វើនៅថៃវិញ ពុំមែនជារឿងចម្លែកនោះទេ ព្រោះទីផ្សារការងារនៅកម្ពុជាបច្ចុប្បន្ន មិនមានគ្រប់គ្រាន់នោះឡើយ ហើយប្រាក់ឈ្នួលក៏បានថោកជាងប្រទេសថៃ។ បន្ថែមពីលើនោះលោកថា ថ្វីត្បិត មន្ត្រីរដ្ឋាភិបាលអះអាងថា ពលករខ្មែរដែលមកពីប្រទេសថៃមានការងារធ្វើភាគច្រើន ក្ដី ការងារទាំងនោះមិនឋិតថេរនោះទេ ដែលធ្វើឱ្យពលរដ្ឋខ្មែរមិនមានប្រាក់ចំណូលទៀងទាត់។ លោកយល់ថានេះ ជាការបរាជ័យមួយដែលរដ្ឋាភិបាលត្រូវគិតគូរ រៀបចំគោលនយោបាយឱ្យច្បាស់លាស់ឡើងវិញ។
លោក ឌី ថេហ៊ូយ៉ា៖«អ្វីដែលជាការអះអាងរបស់រដ្ឋាភិបាលថា មានការងាររាប់ម៉ឺនកន្លែងសម្រាប់ទទួលគាត់ សម្រាប់ឱ្យគាត់ធ្វើ។ ខ្ញុំមិនបដិសេធថាគ្មានទេ ប៉ុន្តែ បើតម្រូវការលើកឡើងរបស់ប្រជាពលរដ្ឋ គឺគាត់ថា មិនគ្រប់គ្រាន់ទេ ហើយក៏ពិបាករកដែរ ការងារសុទ្ធតែប្រាក់ខែទាប ប្រាក់ខែ។… ហើយលក្ខខណ្ឌការងារអាក្រក់ អីជាដើមអ៊ីចឹងទៅ។ អ៊ីចឹង ទីផ្សារការងារមិនទាន់ឆ្លើយតបនូវតម្រូវការរបស់ប្រជាពលរដ្ឋ ដែលត្រឡប់មកជិតមួយលាននាក់ហ្នឹងទេ»។
អ្នកការពារសិទ្ធិពលករខ្មែរនៅប្រទេសថៃ សង្កេតឃើញថា ប៉ូលិសថៃ តែងតែចុះចាប់ពលករបទេសខុសច្បាប់ រួមទាំងពលករខ្មែរផង ដែលរស់នៅ និងធ្វើការនៅប្រទេសថៃស្ទើរតែរាល់ថ្ងៃ នាពេលបច្ចុប្បន្ន។ ចំណែក ពលករខ្មែរខ្លះ មិនបានប្រយ័ត្ន ត្រូវបាន ប៉ូលិសថៃចាប់បញ្ជូនទៅឃុំខ្លួននៅពន្ធនាគារបណ្ដោះអាសន្ន ខណៈពលករខ្មែរខ្លះទៀត ដែលមានថវិកា ក៏ត្រូវបង់ថ្លៃ ចន្លោះពី១ពាន់ដុល្លារ ទៅ២ពាន់ដុល្លារ ជាថ្នូរ នឹងការដោះលែងឱ្យមានសេរីភាពវិញ។អាជ្ញាធរថៃបន្តចាប់ខ្លួនពលករខ្មែរដែលលួចចូលប្រទេសថៃដើម្បីរកការងារធ្វើ
អាជ្ញាធរថៃបន្តចាប់ខ្លួនពលករខ្មែរ ដែលលួចចូលប្រទេសថៃ ដើម្បីរកការងារធ្វើ ក្រោយពីពួកគាត់ពិបាករកការងារធ្វើនៅក្នុងស្រុក។ មន្ត្រីអង្គការសង្គមស៊ីវិលរិះគន់ថា ការវិលត្រឡប់ ទៅរកការងារធ្វើនៅប្រទេសថៃ របស់ពលរដ្ឋខ្មែរទាំងប្រថុយប្រថានដោយខុសច្បាប់គឺជាការបរាជ័យរបស់រដ្ឋាភិបាល ក្នុងការផ្ដល់ការងារសមរម្យជូនពលរដ្ឋមិនបានត្រឹមត្រូវ។
គិតត្រឹមខែកញ្ញានេះ មានពលករខ្មែរជាង ១០០នាក់ហើយ ដែលត្រូវបានអាជ្ញាធរថៃចាប់ខ្លួនជាបន្តបន្ទាប់ ក្រោយពីពលរដ្ឋខ្មែរទាំងនោះបានលួចចូល ទៅប្រទេសថៃ ដើម្បីស្វែងរកការងារធ្វើ។ ពួកគាត់អះអាងថា ដោយសារតែនៅក្នុងស្រុកពិបាករកការងារធ្វើ ដែលមានស្ថិរភាព និងមានប្រាក់ចំណូលសមរម្យទើបត្រូវបង្ខំចិត្ត ទៅប្រទេសថៃទាំងប្រថុយប្រថាន។
នៅថ្ងៃទី២៨ខែកញ្ញា នេះសារព័ត៌មានថៃបានចុះផ្សាយថា អាជ្ញាធរថៃប្រចាំស្រុកអារញ្ញប្រថេត (Aranyaprathet) ខេត្តស្រះកែវ ប្រទេសថៃ បានស្ទាក់ចាប់ ពលករខ្មែរ ប្រមាណ៩នាក់ អំឡុងពេលដែលពួកគាត់ព្យាយាមជិះទូកជ័រឆ្លងអូរ ជ្រៅមួយចូលទៅក្នុងទឹកដីថៃ ដែលជាប់ព្រំដែនរវាងខេត្តបន្ទាយមានជ័យ និងខេត្តស្រះកែវ ប្រទេសថៃ។ បច្ចុប្បន្ន កម្មករទាំងនោះ ត្រូវបានអាជ្ញាធរថៃ ចាប់បញ្ជូនទៅទីស្នាក់ការនគរបាលខេត្តស្រះកែវ ដើម្បីបន្តនីតិវិធី។
ពលករខ្មែរដែលទើបតែឡើងទៅធ្វើការនៅប្រទេសថៃ លោកស្រី វ៉ាវ ស៊ី ប្រាប់ទូរទស្សន៍អាស៊ីសេរីនៅថ្ងៃទី២៩ ខែកញ្ញាថា បច្ចុប្បន្នមានពលករខ្មែរ សម្រុកឡើងមករកការងារធ្វើនៅប្រទេសថៃច្រើន ចន្លោះពី៥០ ទៅ១០០នាក់ ក្នុងមួយថ្ងៃៗ។ ពលករទាំងនោះ ត្រូវចែកវេនគ្នាដើរដោយថ្មើរជើងចូលទឹកដីថៃនៅពេលយប់ស្ងាត់ ដោយបែងចែកជា ក្រុមៗ ដែលមានគ្នា ចន្លោះពី១០នាក់ ទៅ២០នាក់។ លោកស្រីអះអាងថា ការចូលទៅប្រទេសថៃនេះ គឺត្រូវចំណាយថវិកាច្រើនឱ្យទៅមេខ្យល់ គឺក្នុងម្នាក់៨ ទៅ៩ពាន់បាត ឬស្នើជាង៤០០ដុល្លារ។
លោកស្រីបញ្ជាក់ថា ឡើងមករកការងារធ្វើនៅប្រទេសថៃ ដោយខុសច្បាប់នេះ គឺប្រថុយប្រថានណាស់ ព្រោះ បើសិនជាចំពេលកងទ័ពថៃចូលល្បាត នឹងត្រូវបានចាប់ខ្លួន រួចបញ្ជូនទៅឃុំនៅពន្ធនាគារប្រទេសថៃមួយរយៈ ទើបបញ្ជូនមកខ្មែរវិញ។ លោកស្រីបន្តថា សព្វថ្ងៃពលរដ្ឋខ្មែរភាគច្រើនដែលឡើង មករកការងារធ្វើនៅប្រទេសថៃនេះ ដោយសារតែគ្មានជម្រើសព្រោះនៅស្រុកខ្មែរ ពិបាករកការងារធ្វើ គ្មានលុយសងបំណុល និងផ្គត់ផ្គង់គ្រួសារ។ ទន្ទឹមនឹងការលំបាកពេលឡើងមកប្រទេសថៃ ពួកគាត់ក៏ត្រូវប្រឈមការលំបាកមួយ តង់ទៀត គឺការរើសអើងពីប្រជាជនថៃ និងថៅកែថៃខ្លះ មិនទទួលយកឱ្យ ធ្វើការជាដើម។
លោកស្រី វ៉ាវ ស៊ី៖ «បើនិយាយថាឱ្យពិបាក គឺវាពិបាកពិបាកខ្លាំង។ ពេលខ្លះ យើងនៅឈរ នៅចាំការងារទម្រាំតែថៅកែគេមករកយើង។ ពេលខ្លះទៀត ឈរទាំងភ្លៀង ទាំងអី.។ ហើយប៉ូលិសថៃ គេចុះចាប់ ទាំងព្រឹក ទាំងល្ងាច។ យើងនៅស្រុកគេពិបាក ម្យ៉ាងនៅស្រុកគេ យើងអត់ចេះផង ពិបាករកការងារធ្វើ»។
ទូរទស្សន៍អាស៊ីសេរីពុំអាចទាក់ទងអ្នកនាំពាក្យក្រសួងការងារ លោក ស៊ុន មេសា ដើម្បីឆ្លើយតបជុំវិញរឿងនេះបានទេ នៅថ្ងៃទី២៩ ខែកញ្ញា ដោយហៅទូរស័ព្ទចូលតែគ្មានអ្នកទទួល។
កន្លងទៅនេះមន្ត្រីក្រសួងការងារ រួមនឹងនាយករដ្ឋមន្ត្រី លោកហ៊ុន ម៉ាណែត ផងតែងតែអះអាងថា បច្ចុប្បន្នកម្ពុជា មានរោងចក្ររាប់សិបកន្លែង ហើយមានពលករខ្មែរ ដែលត្រឡប់ពីប្រទេសថៃ ជាច្រើន មានការងារធ្វើ និងមានប្រាក់ចំណូលសមរម្យ។ ប៉ុន្តែពលករខ្មែរដែលបានត្រឡប់មកប្រទេសថៃវិញ អះអាងថា កម្ពុជាមានការងារច្រើនមែន ប៉ុន្តែការងារភាគច្រើន ទទួលបានប្រាក់ឈ្នួលថោក ហើយប្រើកម្មករលើសកម្លាំង និងពុំសូវមានការងារធ្វើបានថិតថេរ។
រីឯកម្មករធ្វើការសំណង់វិញ ពួកគាត់អះអាងថា នៅតាមការដ្ឋាន សម្បូរតែពួកមេការបោកប្រាស់ មិនបានបើកប្រាក់ឱ្យកម្មករបានទៀងទាត់ ឬបើបើកប្រាក់ឱ្យក៏ បើកប្រាក់មិនគ្រប់ចំនួនជាដើម។ ជាមួយគ្នានោះ ពួកគាត់ថា ប្រសិនបើនៅខ្មែរមានការងារធ្វើសមរម្យ និងមានប្រាក់ចំណូលទៀងទាត់ ដើម្បីផ្គត់ផ្គង់គ្រួសារ និងសង់បំណុលជាដើម គឺពួកគាត់ មិនចង់ត្រឡប់មករកការងារធ្វើនៅប្រទេសថៃ វិញនោះទេ ព្រោះនៅថៃ ប្រឈមការចាប់ខ្លួនពីប៉ូលិសថៃគ្រប់ពេល។
ប្រធានកម្មវិធីប្រឆាំងការជួញដូរមនុស្ស និងទេសន្តរប្រវេសក៍ នៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTRAL) យល់ថា ការដែលពលករខ្មែរ ត្រឡប់ទៅរកការងារធ្វើនៅថៃវិញ ពុំមែនជារឿងចម្លែកនោះទេ ព្រោះទីផ្សារការងារនៅកម្ពុជាបច្ចុប្បន្ន មិនមានគ្រប់គ្រាន់នោះឡើយ ហើយប្រាក់ឈ្នួលក៏បានថោកជាងប្រទេសថៃ។ បន្ថែមពីលើនោះលោកថា ថ្វីត្បិត មន្ត្រីរដ្ឋាភិបាលអះអាងថា ពលករខ្មែរដែលមកពីប្រទេសថៃមានការងារធ្វើភាគច្រើន ក្ដី ការងារទាំងនោះមិនឋិតថេរនោះទេ ដែលធ្វើឱ្យពលរដ្ឋខ្មែរមិនមានប្រាក់ចំណូលទៀងទាត់។ លោកយល់ថានេះ ជាការបរាជ័យមួយដែលរដ្ឋាភិបាលត្រូវគិតគូរ រៀបចំគោលនយោបាយឱ្យច្បាស់លាស់ឡើងវិញ។
លោក ឌី ថេហ៊ូយ៉ា៖ «អ្វីដែលជាការអះអាងរបស់រដ្ឋាភិបាលថា មានការងាររាប់ម៉ឺនកន្លែងសម្រាប់ទទួលគាត់ សម្រាប់ឱ្យគាត់ធ្វើ។ ខ្ញុំមិនបដិសេធថាគ្មានទេ ប៉ុន្តែ បើតម្រូវការលើកឡើងរបស់ប្រជាពលរដ្ឋ គឺគាត់ថា មិនគ្រប់គ្រាន់ទេ ហើយក៏ពិបាករកដែរ ការងារសុទ្ធតែប្រាក់ខែទាប ប្រាក់ខែ។… ហើយលក្ខខណ្ឌការងារអាក្រក់ អីជាដើមអ៊ីចឹងទៅ។ អ៊ីចឹង ទីផ្សារការងារមិនទាន់ឆ្លើយតបនូវតម្រូវការរបស់ប្រជាពលរដ្ឋ ដែលត្រឡប់មកជិតមួយលាននាក់ហ្នឹងទេ.»។
អ្នកការពារសិទ្ធិពលករខ្មែរនៅប្រទេសថៃ សង្កេតឃើញថា ប៉ូលិសថៃ តែងតែចុះចាប់ពលករបទេសខុសច្បាប់ រួមទាំងពលករខ្មែរផង ដែលរស់នៅ និងធ្វើការនៅប្រទេសថៃស្ទើរតែរាល់ថ្ងៃ នាពេលបច្ចុប្បន្ន។ ចំណែក ពលករខ្មែរខ្លះ មិនបានប្រយ័ត្ន ត្រូវបាន ប៉ូលិសថៃចាប់បញ្ជូនទៅឃុំខ្លួននៅពន្ធនាគារបណ្ដោះអាសន្ន ខណៈពលករខ្មែរខ្លះទៀត ដែលមានថវិកា ក៏ត្រូវបង់ថ្លៃ ចន្លោះពី១ពាន់ដុល្លារ ទៅ២ពាន់ដុល្លារ ជាថ្នូរ នឹងការដោះលែងឱ្យមានសេរីភាពវិញ។
ក្រៅពីនេះ ទូរទស្សន៍អាស៊ីសេរី បានកត់សម្គាល់ឃើញថា ប៉ុន្មានខែចុងក្រោយនេះ មានពលករខ្មែរមិនក្រោមមួយពាន់នាក់ក្នុង១ខែៗ ដែលបានឡើងរកការងារធ្វើ ទៅប្រទេសថៃ ហើយជារៀងរាល់ខែ ក៏ឃើញប៉ូលិសថៃ ចាប់ពលរដ្ឋខ្មែរ បញ្ជូនមកស្រុកកំណើតវិញ តាមច្រកព្រំដែនប៉ោយប៉ែត ក្នុងមួយលើកៗ ចន្លោះពី ៥០នាក់ ទៅ១០០នាក់ ក្រោយពីពួកគាត់ បានអនុវត្តទោសជាប់ពន្ធនាគារគ្រប់ចំនួនកំណត់ ក្រោយពីបានឡើងទៅរកការងារធ្វើនៅប្រទេសថៃ៕
ក្រៅពីនេះ ទូរទស្សន៍អាស៊ីសេរី បានកត់សម្គាល់ឃើញថា ប៉ុន្មានខែចុងក្រោយនេះ មានពលករខ្មែរមិនក្រោមមួយពាន់នាក់ក្នុង១ខែៗ ដែលបានឡើងរកការងារធ្វើ ទៅប្រទេសថៃ ហើយជារៀងរាល់ខែ ក៏ឃើញប៉ូលិសថៃ ចាប់ពលរដ្ឋខ្មែរ បញ្ជូនមកស្រុកកំណើតវិញ តាមច្រកព្រំដែនប៉ោយប៉ែត ក្នុងមួយលើកៗ ចន្លោះពី ៥០នាក់ ទៅ១០០នាក់ ក្រោយពីពួកគាត់ បានអនុវត្តទោសជាប់ពន្ធនាគារគ្រប់ចំនួនកំណត់ ក្រោយពីបានឡើងទៅរកការងារធ្វើនៅប្រទេសថៃ៕
