ការឆ្លើយឆ្លងអំពីព្រំដែនកម្ពុជា–ថៃ រវាងលោកនាយករដ្ឋមន្ត្រី ហ៊ុន ម៉ាណែត និងអតីតតំណាងរាស្ត្រគណបក្សសង្គ្រោះជាតិ លោក អ៊ុំ សំអាន មានការវិវត្តថ្មីទៀតហើយ។
ក្នុងសារឆ្លើយតបចុងក្រោយ លោក ហ៊ុន ម៉ាណែត បញ្ជាក់ថា លោកនៅតែមិនទាន់ទទួលបានចម្លើយច្បាស់លាស់ ពីលោក អ៊ុំ សំអាន ហើយចោទលោក អ៊ុំ សំអាន ថាហាក់ជាការដោះខ្លួនពីការអញ្ជើញ។ លោក ហ៊ុន ម៉ាណេត ក៏បានហៅរដ្ឋាភិបាលឯករាជ្យ២៣តុលាថាជាអង្គការចាត់តាំងក្រៅច្បាប់ផង។
សារនេះចេញ បន្ទាប់ពីលោក អ៊ុំ សំអាន បានផ្ញើលិខិតទៅលោក ហ៊ុន ម៉ាណែត ដោយប្រើលិខិតផ្លូវការនៃរដ្ឋាភិបាលកម្ពុជាឯករាជ្យ ២៣តុលា។
ដូច្នេះ សំណួរសំខាន់នៅពេលនេះ គឺថា តើភាគីទាំងពីរអាចព្រមព្រៀងលើជំនួបមួយបានទេ?
តើលក្ខខណ្ឌណាចាំបាច់សម្រាប់ការចូលរួម ហើយលក្ខខណ្ឌណាអាចចរចាបាន?
តើការប្រើក្បាលលិខិតនៃរដ្ឋាភិបាលឯករាជ្យ២៣តុលានិងឋានៈនយោបាយរបស់លោក អ៊ុំ សំអាន កំពុងធ្វើឱ្យជំនួបកាន់តែពិបាកឬយ៉ាងណា?
