ពលរដ្ឋលើកឡើងពីភាពស្ងប់ស្ងាត់របស់សារព័ត៌មានរឿងព្រំដែន និងចោទស្ថាប័នរដ្ឋផ្សាយព័ត៌មានមិនស៊ីជម្រៅ

ពលរដ្ឋលើកឡើងថា ការផ្សព្វផ្សាយពីសភាពការណ៍នៅតាមបណ្ដោយព្រំដែនកម្ពុជា-ថៃ ដែលកំពុងមានភាពចម្រូងចម្រាស កាន់តែស្ងប់ស្ងាត់ ដែលធ្វើឱ្យពួកគាត់មិនទទួលបានព័ត៌មាន ស្ដីពីបច្ចុប្បន្នភាពពីវិវាទព្រំដែន។ ពួកគាត់ចោទថា បញ្ហានេះ គឺបណ្ដាលមកពីរដ្ឋាភិបាលរឹតត្បិតប្រព័ន្ធផ្សព្វផ្សាយ ដើម្បីឱ្យពលរដ្ឋឆាប់ភ្លេចរឿងបាត់បង់ទឹកដីតាមព្រំដែនទៅកាន់ភាគីថៃ ដែលបង្ហាញពីអសមត្ថភាពរបស់មេដឹកនាំ។