ក្រសួងវប្បធម៌ និងវិចិត្រសិល្បៈ កម្ពុជា បានចេញសេចក្ដីថ្លែងការណ៍តវ៉ាដាច់អហង្ការ ទៅកាន់នាយកដ្ឋានវិចិត្រសិល្បៈថៃ ដែលបានយកប្រាសាទតាមាន់ ប្រាសាទតាក្របី ប្រាសាទខ្នារ និងទីតាំងបុរាណស្ថានរបស់ខ្មែរ មួយចំនួន ដែលថៃកំពុងកាន់កាប់ដោយខុសច្បាប់ ចុះក្នុងបញ្ជីបេតិកភណ្ឌជាតិថៃ។ អ្នកឃ្លាំមើលថា ប្រសិនបើកម្ពុជាពិតជា ខ្លាចបាត់បង់ទឹកដី និងប្រាសាទ បុរាណមែន កម្ពុជាត្រូវប្រញាប់ប្ដឹងថៃទៅកាន់ តុលាការយុត្តិធម៌អន្តរជាតិ ICJ។
