អ្នកឃ្លាំមើលរិះគន់ចំណាត់ការកម្ចាត់ឧក្រិដ្ឋកម្មឆបោកតាមអនឡាញរបស់រដ្ឋាភិបាលកម្ពុជាថា គ្មានប្រសិទ្ធភាព និងជាយុទ្ធសាស្ត្របំភ័ន្តភ្នែកសហគមន៍អន្តរជាតិតែប៉ុណ្ណោះ។ ពួកគាត់ថា ការបង្ក្រាបទីតាំងអគារអនឡាញ ដោយចាប់តែជនល្មើសតូចតាច និងមិនចាប់មេខ្លោងធំៗនោះ គឺជាការ បើកឱកាសឱ្យក្រុមឧក្រិដ្ឋជនធំៗ ទាំងនោះ បើកមជ្ឈមណ្ឌលឆបោកតាមអនឡាញនៅតំបន់ផ្សេងៗ ដើម្បីធានាប្រភពលុយចិញ្ចឹមគណបក្សកាន់អំណាច។
កម្លាំងជាតិស្នើសមាជិកហ្វ្រង់កូហ្វូនីជួយជម្រុញឲ្យរដ្ឋាភិបាលដោះលែងអ្នកទោសនយោបាយ និងផ្សះផ្សារជាតិ
គណបក្សកម្លាំងជាតិបានចេញសេចក្តីថ្លែងការណ៍មួយ ស្នើសុំប្រទេសសមាជិកហ្វ្រង់កូហ្វូនីទាំងអស់ ជាពិសេសប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) និងនាយករដ្ឋមន្ត្រីនៃប្រទេសកាណាដា លោក ម៉ាក យ៉ូសែប ខានី (Mark Joseph Carney) ជួយជម្រុញឲ្យរដ្ឋាភិបាលកម្ពុជា ដោះលែងអ្នកទោសនយោបាយ និងសម្របសម្រួលឲ្យមានការផ្សះផ្សារជាតិមួយរវាងអ្នកនយោបាយខ្មែរ។ស្របពេលអង្គការហ្វ្រង់កូហ្វូនី ចាប់ផ្តើមបើកកិច្ចប្រជុំក្រោមប្រធានបទ«រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង» ដែលមានការចូលរួមពីប្រមុខរដ្ឋ ប្រមុខរដ្ឋាភិបាល...






