តុលាការលើកពេលសវនាការលោក កឹម សុខា ខណៈអ្នកវិភាគថា គួរតែដោះលែងគាត់ដើម្បីរួបរួមជាតិ
មេធាវីការពារក្ដីឱ្យប្រធានគណបក្សសង្គ្រោះជាតិដែលកំពុងជាប់ឃុំនៅក្នុងផ្ទះគឺ លោក កឹម សុខា នៅថ្ងៃទី១៧ ខែធ្នូ បានឱ្យដឹងថា សាលាឧទ្ធរណ៍ភ្នំពេញ បានជូនដំណឹងថា សវនាការលើសំណុំរឿងរបស់ លោក កឹម សុខា ដែលនឹងគ្រោងធ្វើនៅថ្ងៃទី១៨ ខែធ្នូ នេះ ត្រូវបានពន្យារពេលដោយគ្មានហេតុផល និងគ្មានកាលកំណត់ច្បាស់លាស់។
ក្រសួងការពារជាតិអះអាងថា កងទ័ពខ្មែរកំពុងឈរជើងនៅតំបន់ប្រាសាទតាក្របី
ក្រសួងការពារជាតិកម្ពុជា នៅព្រឹកថ្ងៃទី១៧ ខែធ្នូ នេះ បានចេញសេចក្តីថ្លែងការណ៍ឱ្យដឹងថា យោធាថៃបានបាញ់ផ្លោងចូលក្នុងភូមិសាស្ត្រប្រាសាទតាក្របី ភ្នំ៣៣៣ ថ្មឆត្រ និងជប់អង្គុញ ឥតដាច់ តាំងពីយប់ រហូតមកដល់ពេលព្រឹក ដោយយោធាថៃ បានប្រើប្រាស់រថក្រោះ កម្លាំងថ្មើរជើង កាំភ្លើងធំ ដ្រូនទម្លាក់គ្រាប់ និងដ្រូនអត្តឃាត វាយសម្រុកទៅលើទីតាំងយោធាខ្មែរ។
យោធាថៃបន្តប្រើប្រាស់យន្តហោះ F-16 ទម្លាក់គ្រាប់បែកលើភូមិព្រៃចាន់នៅព្រឹកថ្ងៃទី១៧ ធ្នូ
ក្រសួងការពារជាតិកម្ពុជាឱ្យដឹងថា យោធាថៃបន្តធ្វើសកម្មភាពវាយប្រហារមកលើកម្ពុជា នៅយោធភូមិភាគទី៥ ក្នុងភូមិសាស្រ្ត ភូមិជោគជ័យ ខេត្តបន្ទាយមានជ័យ នាថ្ងៃទី១៧ ខែធ្នូ ឆ្នាំ២០២៥។
ពលរដ្ឋជំរុញឱ្យរដ្ឋាភិបាលដោះលែងអ្នកទោសមនសិការ និងផ្សះផ្សាជាតិ ដើម្បីប្រមូលកម្លាំងតទល់បរទេសឈ្លានពាន
ខណៈទាហានថៃកាន់តែបង្កើនល្បឿនវាយប្រហារមកលើកម្ពុជា ដោយប្រើយន្ដហោះចំបាំងទម្លាក់គ្រាប់បែក អ្នកឃ្លាំមើល និងពលរដ្ឋជំរុញឱ្យលោក ហ៊ុន សែន និងលោក ហ៊ុន ម៉ាណែត ដោះលែងអ្នកទោសមនសិការ និងផ្សះផ្សាជាតិ ដើម្បីប្រមូលកម្លាំងតទល់ការឈ្លានពានរបស់កងទ័ពថៃ។
កិច្ចប្រជុំរដ្ឋមន្ត្រីការបរទេសអាស៊ានដើម្បីពិនិត្យភស្តុតាងនៃជម្លោះថៃ-កម្ពុជាត្រូវពន្យារពេល
នាយករដ្ឋមន្ត្រីម៉ាឡេស៊ី លោក អានវ៉ា អ៊ីប្រាហ៊ីម (Anwar Ibrahim) បាននិយាយថា នៅកម្រិតថ្នាក់តំបន់ កិច្ចប្រជុំរដ្ឋមន្ត្រីការបរទេសអាស៊ានពិសេសដែលគ្រោងធ្វើឡើងនៅថ្ងៃទី១៦ ខែធ្នូ ដើម្បីពិនិត្យ មើលការរកឃើញលើផ្កាយរណបត្រូវបានពន្យារពេលដល់ថ្ងៃទី២២ ខែធ្នូ។
ថៃមិនខ្វល់នឹងការអំពាវនាវរបស់ចិនឱ្យមានបទឈប់បាញ់ ហើយបន្តវាយប្រហារកម្ពុជា
ប្រទេសថៃបានព្រងើយកន្តើយចំពោះការអំពាវនាវឱ្យមានបទឈប់បាញ់ពីប្រទេសចិន ដោយនៅថ្ងៃទី១៦ ខែធ្នូ នេះ កងទ័ពថៃបន្តបាញ់ផ្លោងមកលើទីតាំងកងទ័ពកម្ពុជា ដែលធ្វើឱ្យសង្គ្រាមឈ្លានពានរបស់ថៃ ឈានចូលដល់ថ្ងៃទី១០។
ក្រសួងការបរទេសកម្ពុជាថ្កោលទោសការឈ្លានពានរបស់យោធាថៃមកលើកម្ពុជា
ក្រសួងការបរទេសកម្ពុជា ជាថ្មីម្តងទៀត ថ្កោលទោសការឈ្លានពានរបស់យោធាថៃមកលើកម្ពុជា ដោយចាត់ទុកការវាយប្រហារតាមផ្លូវអាកាសរបស់ថៃ ជាការរំលោភលើអធិបតេយ្យ និងបូរណភាពទឹកដីខ្មែរ ក៏ដូចជាបំពានធម្មនុញ្ញអង្គការសហប្រជាជាតិ និងមិនគោរពធម្មនុញ្ញអាស៊ាន ព្រមទាំងស្មារតីនៃសហគមន៍អាស៊ាន។
ថៃប្រាប់កម្ពុជាឱ្យប្រកាសឈប់បាញ់មុនដើម្បីបញ្ចប់ការវាយប្រហារគ្នាតាមព្រំដែន
លក្ខខណ្ឌទាំងនោះរួមមាន កម្ពុជាត្រូវប្រកាសបទឈប់បាញ់មុន ហើយត្រូវតែអនុវត្តជាក់ស្ដែង និងចុងក្រោយថៃឱ្យកម្ពុជាត្រូវធ្វើកិច្ចសហប្រតិបត្តិការយ៉ាងពិតប្រាកដ និងស្មោះត្រង់លើការបោសសម្អាតគ្រាប់មីន។
កម្ពុជា-វៀតណាមឯកភាពពង្រឹងទំនាក់ទំនងរវាងកងទ័ព និងប្ដេជ្ញាចិត្តពន្លឿនការងារខណ្ឌសីមា ខណៈកម្ពុជា-ថៃកំពុងប្រយុទ្ធគ្នា
រដ្ឋាភិបាលកម្ពុជា និងវៀតណាមឯកភាពជំរុញកិច្ចសហប្រតិបត្តិការ និងពង្រឹងទំនាក់ទំនាក់កងទ័ពនៃប្រទេសទាំងពីរ ក្នុងពេលយោធាកម្ពុជា និងថៃកំពុងតែប្រយុទ្ធគ្នាយ៉ាងក្តៅគគុកអស់រយៈពេល ៩ថ្ងៃមកហើយ។
យោធាថៃប្រើយន្តហោះចម្បាំងទម្លាក់គ្រាប់ដល់ទឹកដីខេត្តសៀមរាប
ក្រសួងការពារជាតិកម្ពុជាថា យោធាថៃពង្រីកការវាយប្រហារមកលើទឹកដីកម្ពុជាកាន់តែខ្លាំងក្លា ដោយបានទម្លាក់គ្រាប់ចូលកាន់តែជ្រៅរហូតដល់ស្រុកស្រីស្នំ ខេត្តសៀមរាប។
តុលាការតម្កល់សាលក្រមចំនួនពីរផ្ដន្ទាទោសអតីតពលករកញ្ញា នួន តឿន ឲ្យជាប់ពន្ធនាគារជិត ៤ឆ្នាំ រឿងរិះគន់រដ្ឋាភិបាល
សាលាឧទ្ធរណ៍ភ្នំពេញសម្រេចតម្កល់សាលក្រមចំនួនពីររបស់សាលាដំបូងរាជធានីភ្នំពេញដែលផ្ដន្ទាទោសលើកញ្ញា នួន តឿន ទុកជាបានការដដែល។ សង្គមស៊ីវិលសោកស្ដាយ និងចាត់ទុកការចាប់ចោទប្រកាន់ និងឃុំខ្លួននេះ ថា នឹងប៉ះពាល់ដល់សេរីភាពបញ្ចេញមតិ។
