រដ្ឋាភិបាលកម្ពុជាឯករាជ្យ២៣តុលាត្រៀមយកសំណុំរឿងជម្លោះព្រំដែនកម្ពុជា-ថៃ ប្ដឹងទៅកាន់តុលាការ ICJ
រដ្ឋាភិបាលកម្ពុជាឯករាជ្យ២៣តុលា ដឹកនាំដោយ លោក សម រង្សី កំពុងរៀបចំសំណុំរឿងជម្លោះព្រំដែនកម្ពុជា-ថៃប្ដឹងទៅកាន់តុលាការយុត្តិធម៌ អន្តរជាតិ ICJ ខណៈរដ្ឋាភិបាលកម្ពុជា ដែលដឹកនាំដោយ លោក ហ៊ុន ម៉ាណែត ពុំបានយកករណីព្រំដែនកម្ពុជា-ថៃទាំងមូលប្ដឹងទៅកាន់ស្ថាប័នអន្តរជាតិនេះនៅឡើយ ដែលធ្វើឱ្យភាគីថៃ ហាក់គឃ្លើនបន្តរំលោភបំពានចូលទឹកដីកម្ពុជា។គម្រោងលើកយកសំណុំរឿងព្រំដែនកម្ពុជា-ថៃប្ដឹងទៅកាន់តុលាការយុត្តិធម៌អន្តរជាតិអាចចាត់ទុកថា ជាបេសកកម្មជាតិដំបូង និងធំបំផុតរបស់រដ្ឋាភិបាលស្រមោលនៅក្រៅប្រទេសមួយនេះចាប់តាំងពីត្រូវបានបង្កើតឡើងកាលពីថ្ងៃទី២៣ តុលា។សេចក្ដីថ្លែងការណ៍របស់រដ្ឋាភិបាលកម្ពុជាឯករាជ្យ២៣ តុលា ចុះថ្ងៃទី១៩ ខែវិច្ឆិកា បានលើកឡើងថា រដ្ឋាភិបាលកម្ពុជាឯករាជ្យ...
ក្រុមអ្នកសង្កេតការណ៍អាស៊ានផ្អាកចុះពិនិត្យស្ថានភាពព្រំដែន ក្រោយភាគីថៃផ្ទុះអាវុធ
ក្រុមអ្នកសង្កេតការណ៍អាស៊ាន (AOT) សម្រេចផ្អាកសកម្មភាពចុះពិនិត្យផ្ទៀងផ្ទាត់ ស្ថានភាពនៅតំបន់ព្រំដែនកម្ពុជា-ថៃក្នុងភូមិសាស្ត្រច្រកច១ ឃុំថ្មដា ស្រុកវាលវែង ខេត្តពោធិ៍សាត់ នៅព្រឹកថ្ងៃទី១៩ ខែវិច្ឆិកា ដោយសារមានករណីផ្ទុះអាវុធពីខាងភាគីថៃ។នេះបើតាមសេចក្តីប្រកាសព័ត៌មានក្រសួងការពារជាតិកម្ពុជា។ ក្រសួងការពារជាតិអះអាងថា ការដកថយ ដោយមិនអាចបន្តចុះទៅពិនិត្យនិងផ្ទៀងផ្ទាត់នូវការអនុវត្តបទឈប់បាញ់នេះ គឺដើម្បីរក្សាសុវត្ថិភាព។នៅថ្ងៃដដែលនេះ ក្រសួងការពារជាតិ ក៏បន្តអំពាវនាវឲ្យប្រទេសថៃ ដោះលែងកងទ័ពកម្ពុជាទាំង១៨នាក់ ឱ្យបានឆាប់រហ័ស និងប្រកបដោយសុខសុវត្ថិភាព ស្របតាមច្បាប់មនុស្សធម៌អន្តរជាតិ ដើម្បីឱ្យពួកគាត់វិលត្រឡប់មកជួបជុំក្រុមគ្រួសារឡើងវិញ។ គិតត្រឹមថ្ងៃទី១៩ វិច្ឆិកា គឺមានរយៈពេល...
អ្នកវិភាគថា វិវាទព្រំដែនកម្ពុជា-ថៃ រីករាលដាលខ្លាំង ដោយសារជម្លោះបុគ្គលរវាងគ្រួសារហ៊ុន និងស៊ីណាវ៉ាត់
អ្នកវិភាគលើកឡើងថា ជម្លោះព្រំដែនរវាងកម្ពុជា និងថៃ ដែលឈានទៅដល់ការប៉ះទង្គិចគ្នាដោយអាវុធ បណ្ដាលឱ្យប្រជាពលរដ្ឋនៃប្រទេសទាំងពីរ បានបាត់បង់ជីវិតអស់ជាច្រើននាក់នោះ គឺមានជាប់ពាក់ព័ន្ធនឹងជម្លោះបុគ្គល នៃគ្រួសារអតីតមេដឹកនាំកម្ពុជាត្រកូលហ៊ុន និងអតីតមេដឹកនាំថៃ នៃត្រកូលស៊ីណាវ៉ាត់។ ពួកគាត់ថា ទំនាស់រវាងគ្រួសារទាំងពីរ បានឈានដល់ការបរិហារកេរ្តិ៍ និងរកវិធីផ្ដួលរំលំគ្នាទៅវិញទៅមក រហូតដល់គ្រួសារស៊ីណាវ៉ាត់ បានងាកមកគាំទ្រយោធាថៃ ក្នុងពេលដែលជម្លោះព្រំដែនប្រទេសទាំងពីរកំពុងឡើងកម្ដៅ។ជម្លោះព្រំដែនកម្ពុជា បានកើតឡើង ដោយផ្ដើមចេញភាពតានតឹងនៅតំបន់ប្រាសាទតាក្របី នៅដើមឆ្នាំ២០២៥ បន្ទាប់ពីក្រុមទាហានថៃ បានរារាំងភ្ញៀវទេសចរខ្មែរ មិនឱ្យចូលច្រៀងចម្រៀងស្នេហាជាតិ នៅមុខប្រាសាទ និងករណីទាហានថៃ បានបាញ់ប្រហារចូលលេណដ្ឋានទ័ពខ្មែរ នៅតំបន់មុំបី...
កម្ពុជាក្លាយទៅជាប្រទេសគ្រប់គ្រងផ្ដាច់មុខរបស់ត្រកូលហ៊ុន ក្រោយពីអវត្តមានគណបក្សសង្រ្គោះជាតិ
រាប់មកទល់នឹងថ្ងៃទី១៧ ខែវិច្ឆិកាឆ្នាំ២០២៥ គឺមានរយៈពេល៨ឆ្នាំហើយ ដែល រដ្ឋាភិបាល ដឹកនាំដោយអតីតនាយករដ្ឋមន្ត្រី ហ៊ុន សែន បានរំលាយគណបក្សសង្រ្គោះជាតិ។
តើគណបក្សណាខ្លះបានបង្កើតថ្មី បន្ទាប់គណបក្សសង្រ្គោះជាតិត្រូវបានរំលាយ?
ដោយ សុជីវីមន្ត្រីគណបក្សសង្រ្គោះជាតិមួយចំនួនបានចេញទៅបើកគណបក្សនយោបាយថ្មីៗជាបន្តបន្ទាប់ នៅក្រោយពេលដែលតុលាការកំពូលនៅក្រោមរបបដឹកនាំរបស់លោក ហ៊ុន សែន បានរំលាយគណបក្សប្រឆាំងដ៏ធំមួយនេះកាលពីថ្ងៃទី១៦ ខែវិច្ឆិកា ឆ្នាំ២០១៧។នៅក្នុងរយៈពេល៨ឆ្នាំមកនេះ តើមានគណបក្សណាខ្លះ ដែលមានស្ថាបនិកជាអតីតមន្ត្រីគណបក្សសង្រ្គោះជាតិ ?គិតត្រឹមថ្ងៃទី១៦ ខែវិច្ឆិកា ដែលជាថ្ងៃខួប៨ឆ្នាំនៃការរំលាយគណបក្សសង្រ្គោះជាតិមានគណបក្សនយោបាយយ៉ាងតិចចំនួន ៨ ជាគណបក្សបង្កើតដោយអតីតមន្ត្រីគណបក្សនេះ។គណបក្សនីមួយៗសុទ្ធតែបានបង្ហាញថា ខ្លួនមានគោលនយោបាយគាំពារសិទ្ធិមនុស្ស ប្រជាធិបតេយ្យ យុត្តិធម៌សង្គម បំបាត់អំពើពុករលួយ ការរួបរួម និងលើកកម្ពស់ជីវភាពប្រជាពលរដ្ឋ ដើម្បីអភិវឌ្ឍនជាតិជាដើម ឬនិយាយឱ្យខ្លីថាបន្តស្មារតីគណបក្សសង្រ្គោះជាតិ។ក្នុងចំណោមគណបក្សទាំងនោះ គណបក្សដែលលេចធ្លោគឺគណបក្សឆន្ទៈខ្មែរ...
ពលរដ្ឋមួយចំនួនថា រដ្ឋាភិបាលអសមត្ថភាពក្នុងការទប់ស្កាត់ការឈ្លានពានរបស់ថៃមកលើកម្ពុជា
ពួកគាត់លើកឡើងថា នៅក្នុងជម្លោះព្រំដែនជាមួយថៃ កម្ពុជា បានចាញ់ប្រៀបភាគីថៃទាំងយុទ្ធសាស្ត្រ ការទូត និងសង្គ្រាមព័ត៌មាន ប៉ុន្តែមេដឹកនាំ បែរជាប្រើវោហារសាស្ត្រអួតពីសមិទ្ធផល និងបំបិទសិទ្ធិមិនឱ្យប្រជាពលរដ្ឋបញ្ចេញមតិទៅវិញ។
ប្រវត្តិ និងការរំលាយគណបក្សសង្គ្រោះជាតិកាលពី ៨ ឆ្នាំមុន
ដោយ យ៉ង ចាន់តារាគណបក្សសង្គ្រោះជាតិដែលជាបក្សប្រឆាំងធំជាងគេនៅកម្ពុជា ត្រូវបានរដ្ឋាភិបាលក្រុងភ្នំពេញ រំលាយចោលអស់រយៈពេល ៨ឆ្នាំមកហើយ គឺកាលពីថ្ងៃទី១៦ វិច្ឆិកា ឆ្នាំ២០១៧។ រចនាសម្ព័ន្ធដឹកនាំចាប់ពីថ្នាក់ជាតិ រហូតដល់ថ្នាក់ក្រោមជាតិ ព្រមទាំងតួនាទីនយោបាយទាំងឡាយដែលគណបក្សនេះមាន ក៏ត្រូវរលាយតាមនោះដែរ។ តើគណបក្សសង្គ្រោះជាតិមានប្រវត្តិយ៉ាងណា? តើហេតុអ្វីបានជាលោក ហ៊ុន សែន រំលាយគណបក្សនេះចោលយ៉ាងដូច្នេះ?គណបក្សសង្គ្រោះជាតិត្រូវបានបង្កើតឡើងតាមរយៈកិច្ចព្រមព្រៀងរវាងអ្នកនយោបាយ២ ក្រុម គឺក្រុមគណបក្ស សម រង្ស៊ី ដឹកនាំដោយលោក សម...
ស្ត្រីខ្មែរទី១ក្លាយជាអភិបាលក្រុងនៃប្រទេសអូស្ត្រាលី
អតីតជនភៀសខ្លួនជាស្ត្រីខ្មែរម្នាក់បានជាប់ឆ្នោតក្លាយជាអភិបាលក្រុងដ៏ធំមួយក្នុងប្រទេសអូស្ត្រាលី។ តំណាងសហគមន៍ខ្មែរចាត់ទុកថា នេះគឺជារឿងមោទនភាពមួយសម្រាប់ខ្មែរ ដោយសារនាងគឺជាស្ត្រីខ្មែរដំបូងគេដែលទទួលបានតួនាទីជាចៅហ្វាយក្រុងនេះ។ពលរដ្ឋអូស្ត្រាលីដើមកំណើតខ្មែរម្នាក់ គឺកញ្ញា តាន់ សុផាណែត ឬឈ្មោះជាភាសាអង់គ្លេសថា សូហ្វី តាន់ (Sophie Tan) បានជាប់ឆ្នោតជាអភិបាលក្រុងគ្រីតធឺ ដង់ដឺណង់(Greater Dangdenong) ដែលជាទីក្រុងពហុវប្បធម៌ដ៏ធំមួយក្នុងរដ្ឋវ៉ិកតូរីយ៉ា (Victoria) ប្រទេសអូស្ត្រាលី កាលពីថ្ងៃទី១៣ ខែវិច្ឆិកា។កញ្ញា តាន់ សុផាណែត បង្ហាញក្តីត្រេកអរចំពោះការទទួលបានតួនាទីជាចៅហ្វាយក្រុងនេះ។https://youtu.be/kbOHbNZGH1Aកញ្ញា តាន់...
គណបក្សកម្លាំងជាតិអំពាវនាវឲ្យរដ្ឋាភិបាលដោះលែងអ្នកទោសនយោបាយ និងសកម្មជនជាប់ឃុំទាំងអស់
គណបក្សកម្លាំងជាតិអំពាវនាវឲ្យរដ្ឋាភិបាលដោះលែងសកម្មជននយោបាយ និងសកម្មជនសង្គម ឲ្យមានសេរីភាពឡើងវិញដើម្បីបង្ហាញថា ខ្មែរសាមគ្គីជាធ្លុងមួយ។ គណបក្សនេះក៏ប្រកាសថា នឹងដាក់ពាក្យបណ្តឹងទៅតុលាការព្រហ្មទណ្ឌអន្តរជាតិ ទាក់ទងទៅនឹងប្រទេសថៃឈ្លានពានមកលើអធិបតេយ្យភាពប្រទេសកម្ពុជា ដោយទាមទារឲ្យប្រទេសថៃផ្តល់សំណង់ខូចខាតមកកម្ពុជាដែរ។
