គណៈកម្មាធិការគ្រប់គ្រងគ្រោះមហាអន្តរាយឱ្យដឹងថា ជំនន់ទឹកភ្លៀង បានបង្កផលប៉ះពាល់ដល់ផ្ទះពលរដ្ឋជាង៤ម៉ឺនគ្រួសារ និងដំណាំស្រូវ ជិត៥ម៉ឺនហិតា ក្នុងខេត្តចំនួន១០ ក្នុងនោះ ខេត្តបាត់ដំបង បានរងផលប៉ះពាល់ជាងគេ។ មន្ត្រីអង្គការសង្គមស៊ីវិល ស្នើឱ្យអាជ្ញាធរពាក់ព័ន្ធត្រូវយកចិត្តទុកដាក់ជាមួយពលរដ្ឋតាមរយៈការរៀបចំទីជម្រកនិងផ្ដល់ស្បៀងអាហារ ជាបណ្ដោះអាសន្ន សម្រាប់ ពលរដ្ឋ ដែលរងផលប៉ះពាល់ធ្ងន់ធ្ងរដោយសារទឹកជំនន់។
