ជនបរទេសជាច្រើននៅតែត្រូវបានគេបង្ខាំងទុកក្នុងអាគារកាស៊ីណូនៅតំបន់អូរស្មាច់ ទោះយោធាថៃទម្លាក់គ្រាប់បែកនៅជិតទីតាំងនោះ

អូរស្មាច់បានក្លាយជាតំបន់កាន់តែគ្រោះថ្នាក់សម្រាប់ជនបរទេសចម្រុះជាតិសាសន៍ ដែលត្រូវបានថៅកែឆបោកអនឡាញបង្ខាំងក្នុងអគារ ដោយសារតែសង្គ្រាមថៃឈ្លានពានកម្ពុជា និងការបន្តទម្លាក់គ្រាប់បែកនៅភូមិសាស្ត្រខេត្តឧត្តរមានជ័យ។ កម្មករខ្មែរ ដែលភៀសសឹកចេញពីតំបន់នោះអះអាងថា ជនបរទេសរងការបង្ខាំងនៅអគារក្នុងរមណីយដ្ឋានអូរស្មាច់មានចំនួនរាប់ពាន់នាក់ ដែលធ្វើឱ្យក្រុមមេការឆបោកតាមអនឡាញជនជាតិចិនពិបាកដឹកជញ្ជូនពួកគេជម្លៀសទៅទីតាំងថ្មី។