ពលរដ្ឋចំនួន១១៧គ្រួសារ មកពីសហគមន៍ស្ទឹងកំបុត ក្នុងសង្កាត់ស្វាយប៉ាក ខណ្ឌឫស្សីកែវ បានទៅដាក់ញត្តិជាថ្មីទៅក្រសួងរៀបចំដែនដី នគរូបនីយកម្ម និងសំណង់ ដើម្បីស្នើឲ្យចេញបណ្ណកម្មសិទ្ធិដីធ្លីដល់ពួកគាត់។ ការដាក់ញត្តិជាថ្មីនេះ ដោយសារពលរដ្ឋទាំងនោះ កាន់តែព្រួយបារម្ភពីការបណ្ដេញចេញពីដី ដែលពួកគាត់អះអាងថា បានរស់នៅតាំងពីឆ្នាំ១៩៨០ ប៉ុន្តែត្រូវបានអាជ្ញាធរមូលដ្ឋានចោទប្រកាន់ថា រស់នៅលើដីផ្លូវសាធារណៈ៕
