អ្នកឃ្លាំមើលទាមទារ ហ៊ុន ម៉ាណែត បង្ហាញកិច្ចព្រមព្រៀងអប់រំ និងការពង្រីកស្ដូបមិត្តភាពជាមួយវៀតណាម

អ្នកឃ្លាំមើល និង​រដ្ឋាភិបាលកម្ពុជាឯករាជ្យ ២៣តុលា ទាមទារឱ្យរដ្ឋាភិបាល លោក ហ៊ុន ម៉ាណែត បង្ហាញប្រជាពលរដ្ឋ អំពីកិច្ចព្រមព្រៀងអប់រំ ដែលមាន គោលដៅ បញ្ចូលភាសាវៀតណាមក្នុងប្រព័ន្ធអប់រំកម្ពុជា និង កិច្ចសហប្រតិបត្តិការ ពង្រីកស្ដូបមិត្តភាពកម្ពុជា-វៀតណាម។ ការលើកឡើងនេះ បន្ទាប់ពីរដ្ឋាភិបាល លោក ហ៊ុន ម៉ាណែត និងរដ្ឋាភិបាលវៀតណាម បានចុះហត្ថលេខាព្រមព្រៀងគ្នា លើកិច្ចព្រមព្រៀង ស្ដីពីកិច្ចសហប្រតិបត្តិការលើវិស័យអប់រំរយៈពេល ៥ ឆ្នាំ និងអនុស្សរណៈនៃការយោគយល់គ្នា ស្ដីពីការអភិរក្ស និងការផ្សព្វផ្សាយស្ដូប មិត្តភាពកម្ពុជា-វៀតណាម នៅលើទឹកដីកម្ពុជា។