រដ្ឋបាលរាជធានីភ្នំពេញ ចេញបំរាមហាមឃាត់ដាច់ខាតក្នុងការប្រើប្រាស់អាកាសយានគ្មានមនុស្សបើក ឬដ្រូនគ្រប់ប្រភេទក្នុងភូមិសាស្ត្ររាជធានីភ្នំពេញ។
រដ្ឋបាលរាជធានីភ្នំពេញ លើកឡើងក្នុងសេចក្តីណែនាំចុះថ្ងៃទី១៧ ខែធ្នូ ថា ការហាមឃាត់ការបង្ហោះដ្រូននេះ គឺដើម្បីធានាបាននូវសន្តិសុខ សុវត្ថិភាព សណ្ដាប់ធ្នាប់ និងរបៀបរៀបរយសាធារណៈជូនដល់ប្រជាពលរដ្ឋក្នុងរាជធានីភ្នំពេញ ក្នុងគ្រាដែលប្រទេសកម្ពុជា កំពុងរងការឈ្លានពានពីប្រទេសថៃ។ រដ្ឋបាលរាធានីភ្នំពេញ ព្រមានថា ជនណាដែលបំពានបំរាមនេះ ឬបង្ហោះដ្រូន ដោយគ្មានការអនុញ្ញាតពីរដ្ឋបាលរាជធានីភ្នំពេញ នឹងត្រូវទទួលខុសត្រូវទាំងស្រុងនៅចំពោះមុខច្បាប់។
រដ្ឋបាលរាជធានីភ្នំពេញ ក៏អំពាវនាវដល់ប្រជាពលរដ្ឋ ឲ្យចូលរួមរាយការណ៍ទៅអាជ្ញាធរពាក់ព័ន្ធ ដើម្បីចាត់វិធានការជាបន្ទាន់ចំពោះជនណាបំពានបំរាមនេះ៕
